കോഴിക്കോട്: അഴിയൂരിൽ കിണർ കുഴിക്കുന്നതിനിടെ മണ്ണിടിഞ്ഞ് വീണ് യുവാവ് മരിച്ചു. മണ്ണിനടിയിൽ കുടുങ്ങിയ കണ്ണൂർ കരിയാട് മുക്കാളിക്കരയിൽ കുളത്തുവയൽ രജീഷ് (48) ആണ് മരിച്ചത്. മൃതദേഹം ജില്ലാ ആശുപത്രിയിലേക്ക് മാറ്റി.
അഴിയൂർ പഞ്ചായത്ത് രണ്ടാംവാർഡ് ഹാജിയാർ പള്ളി റോഡിൽ ഇന്ന് ഉച്ചയോടെയാണ് അപകടമുണ്ടായത്. രജീഷ് ഉൾപ്പടെ ആറ് പേരാണ് പണിക്കായി ഉണ്ടായിരുന്നത്. പണി നടക്കുന്നതിനിടെ മണ്ണിടിഞ്ഞ് വീഴുകയും രജീഷ് മണ്ണിനടിയിൽ കുടുങ്ങുകയുമായിരുന്നു.
കിണറിനുള്ളിൽ രജീഷിനൊപ്പം ഉണ്ടായിരുന്ന തൊഴിലാളി അഴിയൂർ മൂന്നാം ഗേറ്റ് സ്വദേശി വേണുവിനെ (52) രക്ഷപ്പെടുത്തി. ഇദ്ദേഹത്തെ തലശ്ശേരി സഹകരണ ആശുപത്രിയിൽ പ്രവേശിപ്പിച്ചിരിക്കുകയാണ്. വടകര മാഹി അഗ്‌നിരക്ഷാസേന സ്‌ഥലത്തെത്തി മണ്ണുനീക്കി രക്ഷപ്പെടുത്താനുള്ള ശ്രമം നടത്തിയെങ്കിലും രജീഷിനെ രക്ഷിക്കാനായില്ല. ചോമ്പാല പോലീസും സ്‌ഥലത്തെത്തിയിരുന്നു.
Most Read| ഇന്ത്യയിലേക്ക് കടക്കാൻ ശ്രമം; പാക്ക് നുഴഞ്ഞു കയറ്റക്കാരനെ വധിച്ച് ബിഎസ്എഫ്
