അതിർത്തി കടക്കാൻ ശ്രമം; പാക്ക് റേഞ്ചറെ ഇന്ത്യൻ സേന പിടികൂടിയതായി റിപ്പോർട്
26 പേർ കൊല്ലപ്പെട്ട പഹൽഗാം ഭീകരാക്രമണത്തിന് പിന്നാലെ ഇന്ത്യ-പാക്ക് ബന്ധം വഷളായിരുന്നു. ഇതിനിടെ അബദ്ധത്തിൽ നിയന്ത്രണരേഖ മറികടന്ന ഇന്ത്യൻ ജവാനെ പാകിസ്ഥാൻ കസ്റ്റഡിയിലാക്കിയിരുന്നു.
ന്യൂഡെൽഹി: രാജസ്ഥാൻ അതിർത്തിയിൽ നിന്ന് പാക്ക് റേഞ്ചറെ ബിഎസ്എഫ് പിടികൂടിയതായി റിപ്പോർട്. ഇന്ത്യൻ അതിർത്തി കടക്കാൻ ശ്രമിക്കുന്നതിനിടെയാണ് പിടിയിലായതെന്നാണ് വിവരം. ഇന്ന് രാവിലെയോടെയാണ് അറസ്റ്റ് ഉണ്ടായത്. പാക്ക് ജവാനെ ചോദ്യം ചെയ്തുവരികയാണ്.
26 പേർ കൊല്ലപ്പെട്ട പഹൽഗാം ഭീകരാക്രമണത്തിന് പിന്നാലെ ഇന്ത്യ-പാക്ക് ബന്ധം വഷളായിരുന്നു. ഇതിനിടെ അബദ്ധത്തിൽ നിയന്ത്രണരേഖ മറികടന്ന ഇന്ത്യൻ ജവാനെ പാകിസ്ഥാൻ കസ്റ്റഡിയിലാക്കിയിരുന്നു. 182ആം ബറ്റാലിയനിലെ കോൺസ്റ്റബിൾ പികെ സിങ്ങിനെയാണ് ഏപ്രിൽ 23ന് ഫിറോസ്പുർ അതിർത്തിക്ക് സമീപത്ത് നിന്ന് പാക്കിസ്ഥാൻ കസ്റ്റഡിയിലെടുത്തത്.
ജവാന്റെ മോചനത്തിനായി ഇരുസേനകളും തമ്മിൽ ചർച്ചകൾ തുടരുന്നതിനിടെയാണ് പാക്ക് റേഞ്ചർ പിടിയിലാകുന്നത്. അതിനിടെ, പഹൽഗാം ഭീകരാക്രമണത്തിന്റെ പാശ്ചാത്തലത്തിൽ പ്രധാനമന്ത്രി നരേന്ദ്രമോദിയും ജമ്മു കശ്മീർ മുഖ്യമന്ത്രി ഒമർ അബ്ദുല്ലയും ഇന്ന് വൈകീട്ട് നിർണായക കൂടിക്കാഴ്ച നടത്തി. ഭീകരാക്രമണത്തിന് ശേഷം ഇരുവരും ആദ്യമായാണ് കൂടിക്കാഴ്ച നടത്തുന്നത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
