വയനാട്: കല്പറ്റ സ്ഥാനാർഥി നിര്ണയത്തെ ചൊല്ലി പ്രതിഷേധവുമായി വയനാട് കിസാന് കോണ്ഗ്രസ്. വയനാട്ടില് കിസാന് കോണ്ഗ്രസ് ജില്ലാ കമ്മിറ്റി പിരിച്ചുവിട്ടു. ജില്ലക്ക് പുറത്തുനിന്നുള്ള സ്ഥാനാർഥി വേണ്ടെന്നാണ് ഒരു വിഭാഗം പ്രവര്ത്തകരുടെ ആവശ്യം.
കാര്ഷിക മേഖല ശക്തമായ വയനാട്ടില് കാര്ഷിക മേഖലയെ അവഗണിച്ചാണ് സ്ഥാനാർഥി നിര്ണയം നടന്നത്. നൂറുകണക്കിന് പേർ രക്തം നല്കി വളര്ത്തിയ പാര്ട്ടിയില് പുറത്തുനിന്ന് ഒരാള് വന്ന് സ്ഥാനാർഥി ആകേണ്ടതില്ല, പ്രവർത്തകർ ചൂണ്ടിക്കാട്ടി.
കാര്ഷിക മേഖലയില് പ്രവര്ത്തിക്കുന്ന സംസ്ഥാന പ്രസിഡണ്ട് ലാല് വര്ഗീസ് കല്പകവാടിക്ക് സീറ്റ് നല്കിയില്ല. അടിത്തട്ടിലുള്ള നീക്കങ്ങള് മൂലം അദ്ദേഹത്തിന്റെ പേര് വെട്ടിമാറ്റിയെന്നും പ്രവര്ത്തകര് പറഞ്ഞു. മുഴുവന് പ്രവര്ത്തകരും പാര്ട്ടിയില് നിന്ന് രാജിവെക്കുന്നതായും പ്രതിഷേധക്കാർ പറഞ്ഞു.
Read Also: വട്ടിയൂർക്കാവിൽ വിഷ്ണുനാഥിന് എതിരെയും പ്രതിഷേധം; വിമതനെ നിർത്തുമെന്ന് ഭീഷണി
