‘വോട്ടിനുവേണ്ടി അവസരവാദ നിലപാടില്ല, എസ്ഡിപിഐ നിലപാട് അവരോട് ചോദിക്കണം’
നാടിന് ആപത്തായതിനാലാണ് വർഗീയതയെ എൽഡിഎഫ് എതിർക്കുന്നത്. പത്തുവർഷം വർഗീയ സംഘർഷം കേരളത്തിൽ ഉണ്ടായില്ല. എല്ലാ വർഗീയതയെയും എൽഡിഎഫ് എതിർക്കുമെന്നും മുഖ്യമന്ത്രി പറഞ്ഞു.
മലപ്പുറം: മങ്കടയിലെ എസ്ഡിപിഐയുടെ പിന്തുണ സംബന്ധിച്ച വാർത്തകളോട് വീണ്ടും പ്രതികരിച്ചു മുഖ്യമന്ത്രി പിണറായി വിജയൻ. വോട്ടിന് വേണ്ടി എൽഡിഎഫിന് അവസരവാദ നിലപാടില്ലെന്നും തത്വാധിഷ്ഠിത നിലപാടാണെന്നും മുഖ്യമന്ത്രി പറഞ്ഞു.
എസ്ഡിപിഐയുടെ തിരഞ്ഞെടുപ്പിലെ നിലപാട് സംബന്ധിച്ച് അവരോടാണ് ചോദിക്കേണ്ടത് അല്ലാതെ, തന്നോടല്ല. നാടിന് ആപത്തായതിനാലാണ് വർഗീയതയെ എൽഡിഎഫ് എതിർക്കുന്നത്. പത്തുവർഷം വർഗീയ സംഘർഷം കേരളത്തിൽ ഉണ്ടായില്ല. വർഗീയതയോട് വിട്ടുവീഴ്ചയില്ലാത്ത സമീപനമാണ് എൽഡിഎഫിന്. എല്ലാ വർഗീയതയെയും എൽഡിഎഫ് എതിർക്കുമെന്നും മുഖ്യമന്ത്രി പറഞ്ഞു.
ജനങ്ങളെ തെറ്റിദ്ധരിപ്പിക്കുകയാണ് യുഡിഎഫ്. അതിലൂടെ എന്തെങ്കിലും നേടാമെന്ന് അവർ വിചാരിക്കണ്ട. ജനം ശരിയായ രീതിയിൽ വിലയിരുത്തും. എല്ലാ വർഗീയ ശക്തികളോടും എന്നും ഒരേ നിലപാടാണ്. സിപിഎമ്മിന് ഏതെങ്കിലും വർഗീയ ശക്തികളുമായി ബന്ധമുണ്ടെന്ന് വരുത്തിത്തീർക്കാനാണ് യുഡിഎഫ് ശ്രമിക്കുന്നത്. എൽഡിഎഫിനെ അതിന് കിട്ടില്ലെന്നും മുഖ്യമന്ത്രി കൂട്ടിച്ചേർത്തു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
