കോഴിക്കോട്: മേയർ പങ്കെടുത്ത പൊതുപരിപാടിയിൽ നാടകീയ സംഭവങ്ങൾ. നടക്കാവ് വാർഡിലെ കോൺഗ്രസ് കൗൺസിലർ അൽഫോൺസ മാത്യു കൗൺസിലർ സ്ഥാനം രാജിവെച്ച് ആംആദ്മി പാർട്ടിയിൽ ചേർന്നു. പൊതുപരിപാടിയിൽ പങ്കെടുക്കുകയായിരുന്ന മേയർ ബീന ഫിലിപ്പിന് വേദിയിൽ കയറിയാണ് അൽഫോൺസ നാടകീയമായി രാജിക്കത്ത് നൽകിയത്.
മുൻ മേയർ കൂടിയായ തോട്ടത്തിൽ രവീന്ദ്രൻ എംഎൽഎ വേദിയിൽ സംസാരിക്കുന്നതിനിടെ ആയിരുന്നു സംഭവം. കോർപറേഷനിൽ രാവിലെ പത്തുമണിയോടെ എത്തിയെങ്കിലും കോർപറേഷൻ സെക്രട്ടറി ലീവിൽ ആയതിനാൽ രാജി സമർപ്പിക്കാൻ കഴിഞ്ഞില്ലെന്നും അതിനാലാണ് മേയർ പങ്കെടുത്ത നൽകിയതെന്നും അൽഫോൺസ പ്രതികരിച്ചു.
ചെറുപുഞ്ചിരിയോടെയാണ് മേയർ ബീന ഫിലിപ്പ് കൗൺസിലറുടെ രാജിക്കത്ത് വായിച്ചത്. 45 വർഷമായി ഇടതുപക്ഷം ഭരിക്കുന്ന കോർപറേഷനിൽ ഇടതു-വലതു മുന്നണികളെ സ്ത്രീകളായ ജനപ്രതിനിധികളെ ഡമ്മികളാക്കി ഭരിക്കുകയാണെന്നും അതിൽ പ്രതിഷേധിച്ചാണ് രാജിയെന്നും അൽഫോൺസ പറഞ്ഞു.
രാജിക്കത്ത് നൽകിയ ശേഷം വേദിയിൽ നിന്നിറങ്ങിയ അൽഫോൺസയെ പാർട്ടിയുടെ തൊപ്പിയും ബാഡ്ജും ധരിപ്പിച്ചാണ് ആംആദ്മി പ്രവർത്തകർ സ്വീകരിച്ചത്. മണ്ഡല പുനർനിർണയത്തിൽ നടക്കാവ് വാർഡിന്റെ ചില ഭാഗങ്ങൾ ഉൾപ്പെട്ട മാവൂർ റോഡ് വാർഡിൽ ആംആദ്മി സ്ഥാനാർഥിയായി മൽസരിക്കാനാണ് അൽഫോൺസയുടെ തീരുമാനം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
