ന്യൂഡെൽഹി: 2024ലെ ലോക്‌സഭാ തിരഞ്ഞെടുപ്പിന്റെ എക്‌സിറ്റ് പോൾ ഫലങ്ങൾ തള്ളി കോൺഗ്രസ്. 295 സീറ്റിൽ കൂടുതൽ ഇന്ത്യ സഖ്യം നേടുമെന്ന ആത്‌മവിശ്വാസം കോൺഗ്രസ് പങ്കുവെച്ചു. എക്‌സിറ്റ് പോൾ ഫലങ്ങൾ പുറത്തുവരുന്നതിനിടെ എക്‌സിലൂടെയാണ് കോൺഗ്രസിന്റെ പ്രതികരണം. അനീതിക്ക് മേൽ നീതി പുലരുമെന്നും കോൺഗ്രസ് ട്വീറ്റ് ചെയ്‌തു.
മോദിക്ക് മൂന്നാമൂഴം പ്രവചിക്കുന്നതാണ് പുറത്തുവന്ന എക്‌സിറ്റ് പോളുകൾ. 400 സീറ്റ് അവകാശപ്പെടുന്ന എൻഡിഎക്ക് 358 സീറ്റിൽ വരെ വിജയം എൻഡിടിവി പോൾ ഓഫ് പോൾസ് എക്‌സിറ്റ് പോൾ പ്രവചിക്കുന്നു. പ്രതിപക്ഷ സഖ്യമായ ഇന്ത്യ മുന്നണിക്ക് 148 സീറ്റുകളും മറ്റു കക്ഷികൾക്ക് 37 സീറ്റുകൾ വരെയും പ്രവചിക്കുന്നുണ്ട്.
റിപ്പബ്ളിക് ഭാരത്- പി മാർക്- എൻഡിഎ-359, ഇന്ത്യ സഖ്യം- 154, മറ്റുള്ളവർ-30. ഇന്ത്യ ന്യൂസ് ഡി ഡൈനാമിക്‌സ്- എൻഡിഎ- 371, ഇന്ത്യ സഖ്യം- 125, മറ്റുള്ളവർ- 10–20. റിപ്പബ്ളിക് ഭാരത്- മാട്രിസ്- എൻഡിഎ- 353-368, ഇന്ത്യ സഖ്യം- 118-133, മറ്റുള്ളവർ- 43-48. ജൻ കി ബാത്- എൻഡിഎ- 362-392, ഇന്ത്യ സഖ്യം- 141-161, മറ്റുള്ളവർ- 10-20. ന്യൂസ് നാഷൻ- എൻഡിഎ- 342-378, ഇന്ത്യ സഖ്യം- 153-169, മറ്റുള്ളവർ- 21-23. റിപ്പബ്ളിക് ടിവി-പി മാർക്- എൻഡിഎ- 359, ഇന്ത്യ സഖ്യം- 154, മറ്റുള്ളവർ- 30 എന്നിങ്ങനെയാണ് പ്രവചിക്കുന്നത്.
2019ലെ ലോക്‌സഭാ തിരഞ്ഞെടുപ്പിൽ 353 സീറ്റുകളാണ് എൻഡിഎ നേടിയത്. അതേസമയം, ഫലം വരുമ്പോൾ താനാണ് വിജയിക്കുമെന്ന പ്രതീക്ഷയിൽ തന്നെയാണ് ഇന്ത്യ മുന്നണി. ഇന്ന് ചേർന്ന യോഗത്തിന് ശേഷം 295 സീറ്റിൽ വരെ വിജയിക്കാനാവുമെന്ന പ്രതീക്ഷ പ്രതിപക്ഷ മുന്നണി പങ്കുവെച്ചിട്ടുണ്ട്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
