കാബൂള്: അഫ്ഗാനിലെ പെണ്കുട്ടികൾക്ക് വിദ്യാഭ്യാസം ഉറപ്പാക്കണമെന്ന് ആവശ്യപ്പെട്ട് താലിബാന് നേതാക്കള്ക്ക് കത്തയച്ച് നൊബേല് ജേതാവ് മലാല യൂസഫ്സായ്. പെണ്കുട്ടികള്ക്ക് വിദ്യാഭ്യാസം നിഷേധിച്ച താലിബാന്റെ നടപടിയിലുള്ള പ്രതിഷേധവും മലാല കത്തിൽ അറിയിച്ചു.
രാജ്യത്തെ പെണ്കുട്ടികളുടെ വിദ്യാഭ്യാസത്തിനുള്ള നിരോധനം പിന്വലിക്കണമെന്നും സ്കൂളുകള് ഉടൻ തുറക്കണമെന്നും മലാല കത്തില് പറയുന്നു. പെണ്കുട്ടികള്ക്ക് വിദ്യാഭ്യാസം നിഷേധിക്കുന്ന ലോകത്തിലെ ഏക രാജ്യം അഫ്ഗാനിസ്ഥാനാണെന്നും മലാല ചൂണ്ടിക്കാട്ടി.
അഫ്ഗാനിസ്ഥാനിൽ വിദ്യാഭ്യാസ സ്ഥാപനങ്ങൾ വീണ്ടും തുറക്കാനും എല്ലാവർക്കും വിദ്യാഭ്യാസം ഉറപ്പുവരുത്താനും താലിബാനോട് രാജ്യത്തെ സ്ത്രീകളും അക്കാദമിക് വിദഗ്ധരും ആവശ്യപ്പെട്ടിരുന്നു. അഫ്ഗാനിലെ ഭരണം ഏറ്റെടുത്തതിന് പിന്നാലെ താലിബാൻ പെൺകുട്ടികൾക്ക് വിദ്യാഭ്യാസം നിഷേധിച്ചിരുന്നു.
അഫ്ഗാൻ സ്ത്രീകൾക്ക് നൽകിയ എല്ലാ അവകാശങ്ങളും താലിബാൻ തകർത്തതായി ഐക്യരാഷ്ട്രസഭയും നേരത്തെ ചൂണ്ടിക്കാട്ടിയിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
