മൂന്ന് മിനിറ്റ് വെട്ടിമാറ്റി, വില്ലന്റെ പേരും മാറ്റിയേക്കും; റീ എഡിറ്റഡ് ‘എമ്പുരാൻ’ ഇന്നെത്തും
സിനിമയുടെ ഉള്ളടക്കത്തെച്ചൊല്ലി വിവാദമുണ്ടായതിനെ തുടർന്ന് ചില രംഗങ്ങളും പരാമർശങ്ങളും ഒഴിവാക്കി റീ എഡിറ്റ് ചെയ്‌ത പതിപ്പ് ഉടൻ തിയേറ്ററുകളിൽ എത്തിക്കണമെന്ന് സെൻസർ ബോർഡ് ആവശ്യപ്പെട്ടിരുന്നു. സിനിമയിലെ കലാപ രംഗങ്ങളും ഗർഭിണിയായ യുവതിയെ ബലാൽസംഗം ചെയ്യുന്ന രംഗവും ഒഴിവാക്കും.
തിരുവനന്തപുരം: വിവാദങ്ങൾ കത്തി നിൽക്കെ, എമ്പുരാൻ സിനിമയുടെ പുതിയ പതിപ്പ് ഇന്ന് വൈകിട്ടോ നാളെ രാവിലെയോ തിയേറ്ററുകളിലെത്തും. സിനിമയുടെ ഉള്ളടക്കത്തെച്ചൊല്ലി വിവാദമുണ്ടായതിനെ തുടർന്ന് ചില രംഗങ്ങളും പരാമർശങ്ങളും ഒഴിവാക്കി റീ എഡിറ്റ് ചെയ്‌ത പതിപ്പ് ഉടൻ തിയേറ്ററുകളിൽ എത്തിക്കണമെന്ന് സെൻസർ ബോർഡ് ആവശ്യപ്പെട്ടിരുന്നു.
ഞായറാഴ്‌ച രാത്രി വൈകിയും സിനിമയുടെ എഡിറ്റിങ് സംബന്ധിച്ച് സെൻസർ ബോർഡ് അംഗങ്ങൾ പ്രത്യേക യോഗം ചേരുകയും മാറ്റം വരുത്തേണ്ട രംഗങ്ങളെ കുറിച്ച് വീണ്ടും സിനിമ കണ്ട് തീരുമാനിക്കുകയും ചെയ്‌തിരുന്നു. സിനിമയുടെ ആദ്യഭാഗത്ത് 20 മിനിറ്റോളം ഒഴിവാക്കണമെന്ന് ആവശ്യപ്പെട്ട് ബോർഡ് ഇടപെടൽ ഉണ്ടാവുകയും പിന്നീട് ചർച്ച ചെയ്‌ത്‌ മൂന്ന് മിനിറ്റോളം വെട്ടിമാറ്റിയാൽ മതിയെന്ന തീരുമാനത്തിൽ എത്തുകയും ആയിരുന്നു.
സിനിമയിലെ വില്ലൻ കഥാപാത്രത്തിന്റെ ബജ്‌രംഗി എന്ന പേരിലും മാറ്റം വരുത്താൻ തീരുമാനമായി. പേരുമാറ്റമോ പേര് പരാമർശിക്കുന്ന ഭാഗങ്ങൾ മ്യൂട്ട് ചെയ്യുകയോ ചെയ്യുമെന്നാണ് വിവരം. സിനിമയിലെ കലാപ രംഗങ്ങളും ഗർഭിണിയായ യുവതിയെ ബലാൽസംഗം ചെയ്യുന്ന രംഗവും ഒഴിവാക്കും. നാല് ഭാഷകളിലായി നാലായിരം തിയേറ്ററുകളിലാണ് എമ്പുരാൻ നിലവിൽ പ്രദർശനം തുടരുന്നത്. വിവാദങ്ങൾക്കിടയിലും നിറഞ്ഞ സദസിലാണ് സിനിമയുടെ പ്രദർശനം.
വിവാദങ്ങളുയർന്ന സാഹചര്യത്തിൽ നടൻ മോഹൻലാൽ സാമൂഹിമ മാദ്ധ്യമത്തിലൂടെ ഖേദപ്രകടനം നടത്തുകയും സിനിമയുടെ സംവിധായകൻ കൂടിയായ പൃഥ്‌വിരാജ് സുകുമാരൻ മോഹൻലാലിന്റെ പോസ്‌റ്റ് പങ്കുവെക്കുകയും ചെയ്‌തിരുന്നു. അതേസമയം, സിനിമയുടെ എഴുത്തുകാരനായ മുരളി ഗോപി വിഷയത്തിൽ ഇതുവരെ പ്രതികരണമൊന്നും നടത്തിയിട്ടില്ല. സിനിമാ സംഘടനകളും മൗനം പാലിക്കുകയാണ്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
