തിരുവനന്തപുരം: കഴക്കൂട്ടത്ത് ദേശീയപാതയിൽ കാർ നിയന്ത്രണംവിട്ട് മറിഞ്ഞുണ്ടായ അപകടത്തിൽ ഒരാൾ മരിച്ചു. ബാലരാമപുരം സ്വദേശി ഷിബിൻ (28) ആണ് മരിച്ചത്. കാറിലുണ്ടായിരുന്ന യുവതിയടക്കം രണ്ടുപേർക്ക് ഗുരുതരമായി പരിക്കേറ്റു. ഇന്ന് പുലർച്ചെയായിരുന്നു അപകടം. റേസിങ്ങിനിടെയാണ് അപകടമെന്ന് കരുതുന്നു.
കഴക്കൂട്ടം എലവേറ്റഡ് ഹൈവേയിൽ ടെക്‌നോ പാർക്കിങ് സമീപമാണ് കാർ തൂണിൽ ഇടിച്ച് മറിഞ്ഞത്. കാറിന്റെ മുൻവശം പൂർണമായി തകർന്നു. ഷിബിനാണ് കാറോടിച്ചിരുന്നത്. പരിക്കേറ്റവർ തിരുവനന്തപുരം മെഡിക്കൽ കോളേജിൽ ചികിൽസയിലാണ്. സംഭവത്തിൽ പോലീസ് അന്വേഷണം നടത്തുന്നുണ്ട്.
Most Read| സ്‌ഥിരം മിത്രങ്ങളോ ശത്രുക്കളോ ഇല്ല, സ്‌ഥിരമായ താൽപര്യങ്ങൾ മാത്രം; പ്രതിരോധമന്ത്രി
