കൊച്ചി: നടിയെ ആക്രമിച്ച കേസില് അന്വേഷണ ഉദ്യോഗസ്ഥരെ അപായപ്പെടുത്താന് ശ്രമിച്ച കേസില് ദിലീപിനെതിരെ അന്വേഷണ സംഘം എഫ്ഐആര് സമര്പ്പിച്ചു. ആലുവ മജിസ്ട്രേറ്റ് കോടതിയിലാണ് എഫ്ഐആര് സമര്പ്പിച്ചത്.
അന്വേഷണ ഉദ്യോഗസ്ഥനായ ബൈജു പൗലോസാണ് ദിലീപിനെതിരെ പരാതി നല്കിയത്. ദിലീപിന്റെ ആലുവയിലെ വീടായ പത്മസരോവരത്തില് വച്ച് അന്വേഷണ ഉദ്യോഗസ്ഥരെയും സാക്ഷികളെയും അപായപ്പെടുത്താന് ഗൂഡാലോചന നടന്നുവെന്നാണ് എഫ്ഐആറിലെ കണ്ടെത്തല്.
‘തന്റെ മേല് കൈവച്ച കെ എസ് സുദര്ശന്റെ കൈവെട്ടും. ഡിവൈഎസ്പി ബൈജു പൗലോസിനെ വാഹനം കയറ്റി കൊല്ലുമെന്ന് ദിലീപ് ഭീഷണി മുഴക്കിയതായും എഫ്ഐആറില് ചൂണ്ടിക്കാട്ടുന്നു. വധഭീഷണി, ഗൂഡാലോചന എന്നിവയുള്പ്പടെ ജാമ്യമില്ലാ വകുപ്പുകള് പ്രകാരമാണ് ക്രൈംബ്രാഞ്ച് കേസുകള് എടുത്തിരിക്കുന്നത്.
അതേസമയം ജീവന് ഭീഷണിയുണ്ടെന്ന പരാതിയുടെ അടിസ്ഥാനത്തില് സംവിധായകന് ബാലചന്ദ്രകുമാറിന് പോലീസ് സുരക്ഷ ഏര്പ്പെടുത്തി. ബാലചന്ദ്രകുമാറിന്റെ മൊഴി ക്രൈംബ്രാഞ്ച് രേഖപ്പെടുത്തുകയാണ്.
ദിലീപിന്റെ മുന്കൂര് ജാമ്യാപേക്ഷ ഇന്ന് ഹൈക്കോടതി പരിഗണിക്കും. കേസില് മുന്കൂര് ജാമ്യം തേടി ദിലീപ്, സഹോദരന് അനൂപ്, സഹോദരി ഭര്ത്താവ് സുരാജ് എന്നിവരാണ് ഹൈക്കോടതിയെ സമീപിച്ചിരിക്കുന്നത്.
Most Read: കെപിസിസി പ്രസിഡണ്ടായി ഒരു ക്രിമിനൽ നിയമിതനായി; എംവി ജയരാജൻ
