തിരുവനന്തപുരം: സുഹൃത്തിന്റെ കല്യാണത്തിൽ പങ്കെടുക്കാനെത്തിയ യുവാവിനെ വെട്ടി പരിക്കേൽപ്പിച്ച കേസിലെ പ്രതികൾ അറസ്റ്റിൽ. കോവളം കോഴിയൂർ വാഴത്തോട്ടം സ്വദേശികളായ അജിത്, പ്രണവ്, വെടിവച്ചാൻ കോവിൽ അയണിമൂട് സ്വദേശി സുബിൻ, കോളിയൂർ ചരുവിള വീട്ടിൽ സുബിൻ, മുട്ടയ്ക്കാട് സ്വദേശി അജിൻ എന്നിവരെയാണ് അറസ്റ്റ് ചെയ്തത്.
സംഭവത്തിന് ശേഷം ഒളിവിൽ പോയ പ്രതികളെ തിരുവല്ലം പോലീസാണ് പിടികൂടിയത്. കൂടാതെ ഇവരുടെ പക്കൽ നിന്നും മഴു, വെട്ടുകത്തി എന്നിവയും പിടിച്ചെടുത്തു. കഴിഞ്ഞ ഏപ്രിൽ 10ആം തീയതി രാത്രി 8 മണിയോടെ പള്ളിച്ചൽ സ്വദേശിയായ കിഷോറിനെ ആണ് സംഘം മുന്വൈരാഗ്യത്തെ തുടര്ന്ന് വെട്ടിപ്പരുക്കേൽപ്പിച്ചത്.
ഗുരുതരമായി പരുക്കേറ്റ് അവശനിലയിലായ കിഷോറിനെ നാട്ടുകാരാണ് ആശുപത്രിയിലെത്തിച്ചത്. കിഷോർ ഇപ്പോഴും ചികിൽസയിലാണ്. തുടർന്ന് നടത്തിയ അന്വേഷണത്തിൽ വിവിധയിടങ്ങളിലെ ഒളിസങ്കേതങ്ങളിൽ നിന്ന് പ്രതികളെ അറസ്റ്റ് ചെയ്യുകയായിരുന്നു.
Read also: രാജ്യസഭാ തിരഞ്ഞെടുപ്പ്; തമിഴ്നാട്ടിൽ നിന്ന് രജനികാന്തും പരിഗണയിൽ
