ന്യൂഡെൽഹി: ദിവസങ്ങളായി തുടരുന്ന കനത്ത മഴയെത്തുടർന്ന് ഡെൽഹിയിൽ പ്രളയ മുന്നറിയിപ്പ് പുറത്തുവിട്ടു. യമുനാ നദി കരകവിയുന്ന പശ്‌ചാത്തലത്തിലാണ് മുന്നറിയിപ്പ്. നഗരത്തിന്റെ വിവിധ മേഖലകളിൽ യമുനാ തീരത്ത് താമസിക്കുന്നവർ ജാഗ്രത പാലിക്കണമെന്ന് അധികൃതർ ആവശ്യപ്പെട്ടു. സ്‌ഥലത്തുനിന്ന് മാറണമെന്ന് അധികൃതരുടെ നിർദ്ദേശം ലഭിച്ചാലുടൻ അതിനായുള്ള തയാറെടുപ്പ് നടത്തണം എന്നും സർക്കാർ അറിയിച്ചു. ഡെൽഹിയിലെ പഴയ റെയിൽവേ ബ്രിഡ്ജിൽ ജലനിരപ്പ് 204.50 മീറ്ററിലെത്തുമ്പോഴാണ് മുന്നറിയിപ്പ് നൽകുക. നിലവിൽ ഈ പരിധി കഴിഞ്ഞതോടെയാണ് പ്രളയ മുന്നറിയിപ്പ് നൽകിയത്.
Read also: കുതിരാന്‍ തുരങ്കപാത തുറക്കാം; ദേശീയ പാത അതോറിറ്റി
