ഡിവൈഎഫ്ഐ കോട്ടൂളി മേഖലാ കമ്മിറ്റി സംഘടിപ്പിക്കുന്ന കോട്ടൂളി ലീഗ് ഫുട്‍ബോൾ മൽസരത്തിന്റെ ഏഴാം പതിപ്പിന് തുടക്കമായി. നാടിന് സ്വന്തമായൊരു കളി സ്‌ഥലം ഒരുക്കണമെന്ന സ്വപ്‌നം യാഥാർഥ്യമാക്കാൻ കൂടി വേണ്ടിയാണ് ടൂർണമെന്റ്.
കളിസ്‌ഥലം യാഥാർഥ്യമാക്കാൻ പ്രായ, രാഷ്‌ട്രീയ ഭേദമന്യേ എല്ലാവരും ഒറ്റക്കെട്ടായി ഈ ഫുട്‍ബോൾ ടൂർണമെന്റിൽ പങ്കെടുക്കുന്നുണ്ട്. ഏഴ് വയസുമുതൽ 60 വയസിന് മുകളിൽ പ്രായമുള്ളവർ വരെ വിവിധ വിഭാഗത്തിലായി ടൂർണമെന്റിൽ ഭാഗമാകുന്നുണ്ട്.
ഒമ്പത് വർഷമായി തുടർന്നുവരുന്ന ഫുട്‍ബോൾ ടൂർണമെന്റിന്റെ ലക്ഷ്യം ഈ വർഷത്തോടെ സാക്ഷാത്‌കരിക്കുമെന്നും, അടുത്തവർഷം മുതൽ കോട്ടൂളിയുടെ പൊതു കളിസ്‌ഥലത്ത് ടൂർണമെന്റ് നടക്കുമെന്നും സംഘാടകർ പറഞ്ഞു.
കഴിഞ്ഞ വർഷങ്ങളിൽ നിന്നും വ്യത്യസ്‌തമായി ലീഗ് ഫുട്‍ബോൾ ടൂർണമെന്റിനൊപ്പം ലഹരിക്കെതിരെ ‘ഫുട്‍ബോൾ ഉൽസവ്’ എന്ന പേരിൽ വിവിധ പരിപാടികൾ നടത്താനും ഡിവൈഎഫ്ഐ മേഖലാ കമ്മിറ്റി ആസൂത്രണം ചെയ്‌തിട്ടുണ്ട്‌. ബാലുശേരി എംഎൽഎയും ഡിവൈഎഫ്ഐ സംസ്‌ഥാന സെക്രട്ടറിയേറ്റ് അംഗവുമായ സച്ചിൻ ദേവ് ലീഗ് ഫുട്‍ബോൾ ഉൽഘാടനം ചെയ്‌തു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
