ഇടുക്കി: ജില്ലക്കായി 10,000 കോടിയുടെ പാക്കേജ് പ്രഖ്യാപിക്കാൻ ഒരുങ്ങി സംസ്ഥാന സർക്കാർ. അടുത്ത ദിവസം കട്ടപ്പനയിൽ എത്തുന്ന മുഖ്യമന്ത്രി പിണറായി വിജയൻ പദ്ധതി പ്രഖ്യാപിക്കും. എന്നാൽ, പാക്കേജ് തിരഞ്ഞെടുപ്പ് നാടകമാണെന്നും നാളെ ഇടുക്കിയിൽ വഞ്ചനാ ദിനം ആചരിക്കുമെന്നും യുഡിഎഫ് അറിയിച്ചു.
2018ലെ പ്രളയം മൂലം ദുരിതത്തിലായ ഇടുക്കി ജില്ലക്ക് കൈത്താങ്ങാകാൻ 2019ലെ ബജറ്റിന് ശേഷം സർക്കാർ 5,000 കോടിയുടെ പാക്കേജ് പ്രഖ്യാപിച്ചിരുന്നു. എന്നാൽ ഒന്നും നടപ്പാക്കിയില്ല. തുടർന്ന് 2020ലെ ബജറ്റിൽ 1,000 കോടിയുടെ പ്രായോഗിക ബജറ്റ് പ്രഖ്യാപിച്ചു. കോവിഡ് മഹാമാരിയിയെ തുടർന്ന് ഈ പ്രഖ്യാപനവും വെറും കടലാസുകളിൽ മാത്രമായി ഒതുങ്ങി.
ഇത്തരത്തിൽ സർക്കാരിനെതിരെ രൂക്ഷ വിമർശനം ഉയർന്നിരിക്കുന്ന സാഹചര്യത്തിലാണ് അടുത്ത പ്രഖ്യാപനവുമായി മുഖ്യമന്ത്രി രംഗത്ത് എത്തിയിരിക്കുന്നത്. പ്രഖ്യാപിച്ചവ ഒന്നും നടപ്പാക്കാതെ പുതിയ പാക്കേജിന് ഒരുങ്ങുന്നത് തിരഞ്ഞെടുപ്പ് മുന്നിൽ കണ്ടുള്ള രാഷ്ട്രീയ കളിയെന്നാണ് പ്രതിപക്ഷം ആരോപിക്കുന്നത്. ഇടുക്കി ജില്ലയിലെ എല്ലാ പഞ്ചായത്തുകളിലും നാളെ പ്രതിഷേധം സംഘടിപ്പിക്കാനാണ് യുഡിഎഫിന്റെ തീരുമാനം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
