തിരുവനന്തപുരം: സംസ്ഥാനത്ത് ഇടിമിന്നലോട് കൂടിയ കനത്ത മഴക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. ഇന്ന് നാലു ജില്ലകളില് യെല്ലോ അലര്ട്ട് പ്രഖ്യാപിച്ചു. തിരുവനന്തപുരം, പത്തനംതിട്ട, കോട്ടയം, ഇടുക്കി ജില്ലകളിലാണ് ജാഗ്രതാ നിര്ദേശം നല്കിയത്. ശനിയാഴ്ച്ച വരെ സംസ്ഥാനത്ത് ശക്തമായ മഴ ലഭിക്കുമെന്നാണ് പ്രവചനം.
ഇന്നലെയോടെ തെക്കുപടിഞ്ഞാറന് മണ്സൂണ് പിന്മാറി. ഇന്നു മുതല് തുലാവര്ഷം ആരംഭിക്കുമെന്നാണ് കേന്ദ്ര കാലാവസ്ഥാ വകുപ്പിന്റെ പ്രവചനം. മലയോര മേഖലയില് കനത്ത മഴക്ക് സാധ്യതയുണ്ട്. ഉച്ചതിരിഞ്ഞ് ഇടിമിന്നലോടു കൂടിയ മഴയാണ് തുലാവര്ഷത്തിന്റെ പ്രത്യേകത. ഉച്ചക്കു 2 മുതല് രാത്രി 10 വരെ ഇടിമിന്നലിനുള്ള സാധ്യത കൂടുതലാണ്. ചില സമയങ്ങളില് രാത്രി വൈകിയും ഇതു തുടര്ന്നേക്കാം. മലയോര മേഖലയില് ഇടിമിന്നല് സജീവമാകാനാണു സാധ്യത.
Entertainment News: ‘കടല് കുതിര’ തുടങ്ങി
ഇത്തരം ഇടിമിന്നല് കൂടുതല് അപകടകരമാണ്. മനുഷ്യ ജീവനും വീട്ടുപകരണങ്ങള്ക്കും വലിയ നാശനഷ്ടം സംഭവിക്കാം. അന്തരീക്ഷം മേഘാവൃതമാണെങ്കില് ഉച്ചക്ക് രണ്ടു മുതല് രാത്രി 10 വരെ തുറസ്സായ സ്ഥലത്തും ടെറസിലും കുട്ടികള് കളിക്കുന്നില്ലെന്ന് ഉറപ്പാക്കണമെന്ന് മുന്നറിയിപ്പില് വ്യക്തമാക്കുന്നു. ബംഗാള് ഉള്ക്കടലിലും അറേബ്യന് സമുദ്രത്തിലും ചുഴലിക്കാറ്റുകള് രൂപമെടുക്കുന്നതു ഈ കാലയളവിലാണ്. ഇത്തവണ അറേബ്യന് സമുദ്രത്തില് ചുഴലിക്കാറ്റുകള് കുറവായിരിക്കുമെന്നാണ് കാലാവസ്ഥാ കേന്ദ്രത്തിന്റെ കണക്കുകൂട്ടല്.
