സെന്നന് പള്ളാശ്ശേരി സംവിധാനം ചെയ്യുന്ന ‘കടല് കുതിര’ സിനിമയുടെ ചിത്രീകരണം വര്ക്കലയില് തുടങ്ങി. കിരണ് രാജ്, നിമിഷ നമ്പ്യാര്, രമ്യ കിഷോര് എന്നിവര് പ്രധാന കഥാപാത്രങ്ങളെ അവതരിപ്പിക്കുന്ന ചിത്രത്തിന്റെ സ്വിച്ചോണ് കര്മ്മം വര്ക്കല പാപനാശം മണ്ഡപത്തില് വച്ച് വി ജോയ് എംഎല്എ നിര്വ്വഹിച്ചു.
സെന്നന് സിനിമ സ്റ്റുഡിയോ, ബോസ് കുമാര് കിഴക്കാത്തില് എന്നിവരാണ് ചിത്രം നിര്മിക്കുന്നത്. ശിവകുമാര് ആര്ട്ട് ആന്റ് ഷൂട്ട് ഛായാഗ്രഹണവും അഖില് ഏലിയാസ് എഡിറ്റിങ്ങും നിര്വ്വഹിക്കുന്നു. സംവിധായകന് സെന്നന് പള്ളാശ്ശേരിയുടെ വരികള്ക്ക് ജെ.ആര്. കൃഷ്ണനാണ് സംഗീതം നല്കുന്നത്.
ശിവജി ഗുരുവായൂര്, സ്ഫടികം ജോര്ജ്, കോട്ടയം പ്രദീപ്, ജയകുമാര്, ജയകുമാര് നവൈക്കുളം, ബോസ് കിഴക്കാത്തില്, ആരോമല്, സീമ ജി നായര്, കുളപ്പുള്ളി ലീല തുടങ്ങിയ താരനിരയും ചിത്രത്തില് അണിനിരക്കുന്നു.
ചിത്രത്തിന്റെ മറ്റ് അണിയറ പ്രവര്ത്തകര്:
പ്രൊഡക്ഷന് കണ്ട്രോളര്: പ്രമോദ് ദേവനന്ദ, കല: മഹേഷ് മോഹന്, സ്റ്റില്സ്: അജേഷ് ആവണി, ആക്ഷന്: ബ്രൂസ് ലി രാജേഷ്, പ്രൊഡക്ഷന് ചീഫ്: നവീന് എസ്, വാര്ത്ത പ്രചരണം: എഎസ് ദിനേശ്.
Read Also: ബാഴ്സ പ്രസിഡണ്ട് ജോസഫ് ബര്തോമ്യു രാജിവെച്ചു