നടി രഞ്‌ജിനിയുടെ ഹരജി; ഹേമ കമ്മിറ്റി റിപ്പോർട് ഇന്ന് പുറത്തുവിടില്ല
ജസ്‌റ്റിസ്‌ ഹേമ കമ്മറ്റിക്ക് മുമ്പാകെ താനടക്കമുള്ളവർ മൊഴി നൽകിയിട്ടുണ്ടെന്നും എന്നാൽ റിപ്പോർട്ടിന്റെ പകർപ്പ് തങ്ങൾക്ക് ലഭിച്ചിട്ടില്ലെന്നുമാണ് രഞ്‌ജിനി ഹരജിയിൽ പറയുന്നത്.
തിരുവനന്തപുരം: സിനിമാ മേഖലയിലെ വനിതകൾ നേരിടുന്ന പ്രശ്‌നങ്ങൾ പഠിച്ച ജസ്‌റ്റിസ്‌ ഹേമ കമ്മിറ്റി റിപ്പോർട് ഇന്ന് പുറത്തുവിടില്ല. റിപ്പോർട് പുറത്തുവിടുന്നതിനെതിരെ നടി രഞ്‌ജിനി ഹരജിയുമായി ഹൈക്കോടതിയെ സമീപിച്ച സാഹചര്യത്തിലാണ് തീരുമാനം.
റിപ്പോർട് പുറത്തുവിടുന്നത് അനുവദിച്ചുകൊണ്ടുള്ള ഹൈക്കോടതി സിംഗിൾ ബെഞ്ച് ഉത്തരവിനെതിരെയാണ് കഴിഞ്ഞ ദിവസം നടി അപ്പീൽ നൽകിയത്. ഈ ഹരജി ഹൈക്കോടതി തിങ്കളാഴ്‌ച പരിഗണിക്കും. ഇതിന് പിന്നാലെയായിരിക്കും റിപ്പോർട് പുറത്തുവിടണോ വേണ്ടയോ എന്ന് സംബന്ധിച്ചുള്ള തീരുമാനം.
ജസ്‌റ്റിസ്‌ ഹേമ കമ്മറ്റിക്ക് മുമ്പാകെ താനടക്കമുള്ളവർ മൊഴി നൽകിയിട്ടുണ്ടെന്നും എന്നാൽ റിപ്പോർട്ടിന്റെ പകർപ്പ് തങ്ങൾക്ക് ലഭിച്ചിട്ടില്ലെന്നുമാണ് രഞ്‌ജിനി ഹരജിയിൽ പറയുന്നത്. മൊഴി നൽകിയപ്പോൾ തങ്ങളുടെ സ്വകാര്യത മാനിക്കുമെന്ന് ജസ്‌റ്റിസ്‌ ഹേമ ഉറപ്പ് നൽകിയിരുന്നു. ഈ സാഹചര്യത്തിൽ റിപ്പോർട് പുറത്തുവിടുന്നതിന് മുൻപ് അതിൽ എന്താണുള്ളതെന്ന് അറിയണമെന്നും തങ്ങളുടെ അനുമതിയോട് കൂടി മാത്രമേ റിപ്പോർട് പുറത്തുവിടാവൂ എന്നുമാണ് രഞ്‌ജിനിയുടെ ആവശ്യം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
