ന്യൂഡെൽഹി: ഒരിക്കൽ നൽകിയ വിലാസം മാറിയാൽ പിന്നീട് ബാങ്ക് അക്കൗണ്ട്, ഇൻഷുറൻസ് തുടങ്ങി എല്ലാത്തിലും പ്രത്യേകം പ്രത്യേകം വിലാസം മാറ്റേണ്ട ബുദ്ധിമുട്ട് ഒഴിവാക്കാനുള്ള പദ്ധതിയുമായി കേന്ദ്ര സർക്കാർ. വിലാസം മാറിയാന്‍ ഇനി ആധാറില്‍മാത്രം പുതുക്കിയാല്‍ മതി. ബാങ്ക്, ഇന്‍ഷുറന്‍സ് ഉള്‍പ്പടെയുള്ള രേഖകളിലെല്ലാം താനെ വിലാസം മാറുന്ന സംവിധാനം വൈകാതെ രാജ്യത്ത് നടപ്പാകും.
എല്ലാ ഡാറ്റാബേയ്‌സും ആധാറുമായി ബന്ധിപ്പിക്കുന്ന സംവിധാനം ഉടൻ രാജ്യത്ത് തയ്യാറാകുമെന്ന് സര്‍ക്കാര്‍ വൃത്തങ്ങള്‍ സൂചിപ്പിച്ചു. നിലവില്‍ കൂടുതല്‍പേരും വിലാസം തെളിയിക്കുന്നതിനുള്ള ആധികാരിക രേഖയായി ആധാറാണ് ഉപയോഗിക്കുന്നത്. സര്‍ക്കാര്‍, സ്വകാര്യ സ്‌ഥാപനങ്ങള്‍ ഉള്‍പ്പടെയുള്ളവയും വിലാസം, കെവൈസി എന്നിവക്കും സബ്‌സിഡി അടക്കമുള്ളവ ലഭിക്കുന്നതിനും ആധാറാണ് പരിഗണിക്കുന്നത്.
ഇക്കാര്യങ്ങൾ കണക്കിലെടുത്താണ് പുതിയ നീക്കം. ആധാറില്‍ വിലാസം പുതുക്കിയാല്‍ ബാങ്ക് അക്കൗണ്ട്, ടെലികോം, ലൈഫ് ഇന്‍ഷുറന്‍സ് പോളിസി, ഗ്യാസ് കണക്ഷൻ, പാന്‍ കാർഡ് എന്നിവയിലെല്ലാം താനെ മാറുന്ന രീതിയിലാണ് പുതിയ സംവിധാനം വരുന്നത്. മാസങ്ങള്‍ക്കുള്ളില്‍ സംവിധാനം പ്രാവര്‍ത്തികമാകും എന്നാണ് റിപ്പോർട്ട്. ഇലക്‌ട്രോണിക്‌സ്‌ ആന്‍ഡ് ഐടി മന്ത്രാലയമാണ് ഇത്തരമൊരു ആശയം കൊണ്ടുവരുന്നത്.
Kerala News: വാഗമണ്‍ നിശാപാര്‍ട്ടി; അന്വേഷണം ക്രൈം ബ്രാഞ്ചിന്
