പനാജി: ഐഎസ്എല്ലില്‍ ഇന്ന് മുംബൈ സിറ്റി, നോര്‍ത്ത് ഈസ്‌റ്റ് യുണൈറ്റഡിനെ നേരിടും. ഗോവയിൽ വൈകീട്ട് 7.30നാണ് മൽസരം. മുംബൈ സീസണിൽ 11ഉം നോര്‍ത്ത് ഈസ്‌റ്റ് 13ഉം മൽസരങ്ങൾ വീതം പൂര്‍ത്തിയാക്കിയിട്ടുണ്ട്. സീസണിൽ ആദ്യമായി പ്ളേ ഓഫ് സ്‌ഥാനങ്ങള്‍ക്ക് പുറത്താണ് മുംബൈ സിറ്റി. കഴിഞ്ഞ അഞ്ച് കളിയിൽ ഒന്നില്‍ പോലും നിലവിലെ ചാമ്പ്യൻമാര്‍ക്ക് ജയിക്കാനായിട്ടില്ല.
എങ്കിലും ഇന്ന് ജയിച്ചാൽ പോയിന്റ് പട്ടികയില്‍ മുന്നിലുള്ള ഹൈരാബാദ് എഫ്‍സി, കേരള ബ്ളാസ്‌റ്റേഴ്‌സ് ടീമുകളെ പോലെ 20 പോയിന്റിലെത്തും മുംബൈ. 11 കളിയിൽ 17 പോയിന്റുമായി നിലവില്‍ അഞ്ചാം സ്‌ഥാനത്താണ് ഡെസ് ബക്കിംഗ്ഹാമിന്റെ സംഘം. കഴിഞ്ഞ അഞ്ച് കളിയിൽ 13 ഗോള്‍ വഴങ്ങിയ പ്രതിരോധ നിരയിൽ നിന്ന് മെച്ചപ്പെട്ട പ്രകടനം ആവശ്യപ്പെടുന്നുണ്ട് ബക്കിംഗ്ഹാം.
എതിരാളികളായ നോര്‍ത്ത് ഈസ്‌റ്റ് യുണൈറ്റഡിന്റെ കാര്യം ഒട്ടും മെച്ചമല്ല. അവസാന ആറ് കളിയിൽ ഒന്നിലും ജയിച്ചിട്ടില്ല ഹൈലന്‍ഡേഴ്‌സ്. ഇതില്‍ അഞ്ച് മൽസരത്തിലും ലീഡ് നേടിയ ശേഷം കളി കൈവിട്ടതാണ് ഖാലിദ് ജമിലിനെ നിരാശപ്പെടുത്തുന്നത്.
10 കളിയിൽ 9 പോയിന്റ് മാത്രമുള്ള നോര്‍ത്ത് ഈസ്‌റ്റ് ഇന്ന് തോറ്റാല്‍ വീണ്ടും അവസാന സ്‌ഥാനത്തേക്ക് പിന്തള്ളപ്പെടും. ഇരു ടീമുകളും സീസണിൽ നേരത്തെ നേര്‍ക്കുനേര്‍ വന്ന മൽസരം 3 ഗോള്‍ വീതം നേടിയുളള സമനിലയിലാണ് അവസാനിച്ചത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
