ബംബോലിം: ഇന്ത്യൻ സൂപ്പർ ലീഗ് ഏഴാം സീസണിലെ തങ്ങളുടെ അഞ്ചാം മൽസരത്തിൽ ഒഡീഷ എഫ്‌സി ഇന്ന് എഫ്‌സി ഗോവയുമായി കൊമ്പുകോർക്കും. സീസണിലെ ആദ്യ ജയം തേടിയാണ് ഒഡിഷ കളത്തിൽ ഇറങ്ങുന്നത്. മറുഭാഗത്ത് ഗോവ മികച്ച ഫോമിലാണ്.
കഴിഞ്ഞ മൽസരത്തിൽ കേരള ബ്ലാസ്‌റ്റേഴ്‌സിനെ തകർത്തതിന്റെ ആത്‌മവിശ്വാസവുമായാണ് ഗോവ ഒഡിഷക്കെതിരെ കളിക്കുന്നത്. കഴിഞ്ഞ രണ്ട് മൽസരങ്ങളിലും തോൽവിയായിരുന്നു ഒഡിഷക്ക് നേരിടേണ്ടി വന്നത്. എടികെ മോഹൻബഗാൻ , മുംബൈ സിറ്റി എന്നീ ടീമുകളോടാണ് പരാജയപ്പെട്ടത്.
അവസാന മൂന്ന് ഏറ്റുമുട്ടലുകളിൽ അഞ്ച് ഗോളുകൾ വഴങ്ങിയ പ്രതിരോധനിര മെച്ചപ്പെട്ടാൽ മാത്രമേ ഒഡിഷക്ക് രക്ഷയുള്ളൂ. ഹെഡ് കോച്ച് സ്‌റ്റുവർട്ട് ബാകസ്‌റ്റർ ആക്രമണ നിരയിൽ നിന്ന് മികച്ച പ്രകടനം പ്രതീക്ഷിക്കുന്നു. മാർസലിഞ്ഞോ, നന്ദ കുമാർ ശേഖർ, ഡീഗോ മൗറീഷ്യോ, മാനുവൽ ഒൻവു എന്നിവരാണ് മുന്നേറ്റ നിരയിൽ കളിക്കുന്നത്.
മറുഭാഗത്ത് ഗോവ മികച്ച ഫോമിലാണ്. ഇഗർ അംഗുളോയുടെ ഇരട്ട ഗോളുകളാണ് കഴിഞ്ഞ മൽസരത്തിൽ ഗോവക്ക് വിജയം സമ്മാനിച്ചത്. ഒഡിഷക്ക് എതിരെ വിജയം നേടി മൂന്ന് പോയിന്റ് നേടാമെന്ന പ്രതീക്ഷയിലാണ് ഗോവ ഇറങ്ങുന്നത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
