ബംബോലിം: തുടര്ച്ചയായ പരാജയങ്ങളില് നിന്ന് മോക്ഷം നേടാന് ഹൈദരാബാദ് എഫ്സി ഇന്ന് കളത്തിലിറങ്ങും. ഐഎസ്എല്ലില് ഇന്ന് നടക്കുന്ന മല്സരത്തില് ചെന്നൈയിന് എഫ്സിയാണ് ഹൈദരാബാദിന്റെ എതിരാളികള്. ലീഗിലെ മികച്ച തുടക്കത്തിന് ശേഷം നിലവില് തുടര്ച്ചയായ മൂന്ന് മല്സരങ്ങളിലും പരാജയം ഏറ്റുവാങ്ങിയ ഹൈദരാബാദ് എഫ്സി വിജയ വഴിയില് തിരിച്ചെത്താനാണ് ഇന്ന് കളത്തിലിറങ്ങുക.
അതേസമയം അവസാന മല്സരത്തില് മോഹന് ബഗാനെ സമനിലയില് കുരുക്കിയ ചെന്നൈയിനും ഇന്നത്തെ മല്സരത്തില് വിജയം അനിവാര്യമാണ്. നിലവില് ലീഗില് ചെന്നൈയിന് ഏഴാം സ്ഥാനത്തും ഹൈദരാബാദ് എട്ടാം സ്ഥാനത്തുമാണുള്ളത്.
യുവനിരയുടെ കരുത്തില് ആദ്യ ഘട്ടത്തില് മികച്ച പ്രകടനം പുറത്തെടുത്ത ഹൈദരാബാദ് അവസാന മല്സരങ്ങളില് തീര്ത്തും നിരാശപ്പെടുത്തുന്ന പ്രകടനമാണ് കാഴ്ചവെച്ചത്. ലീഗിലെ നിലനില്പ്പിന് ഹൈദരാബാദിന് എത്രയും വേഗം ഫോമിലേക്ക് തിരികെ എത്തേണ്ടതുണ്ട്.
മറുവശത്ത് എതിരാളികളുടെ ഗോള്വല കുലുക്കാന് കഴിയാത്തതാണ് ചെന്നൈയിനെ പ്രതിസന്ധിയിലാക്കുന്നത്. നിരവധി അവസരങ്ങള് സൃഷ്ടിക്കാന് കഴിയുമ്പോഴും അവയെ ലക്ഷ്യ സ്ഥാനത്തെത്തിക്കാന് ചെന്നൈയിന് കഴിയാതെ പോകുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
