തിരുവനന്തപുരം: മന്ത്രി സ്ഥാനം രാജിവെക്കുമെന്ന് കരുതി ആരും തന്റെ പിറകെ നടക്കേണ്ടെന്ന് ഗതാഗത മന്ത്രി കെബി. ഗണേഷ് കുമാർ. രാജിവെക്കാൻ ഉദ്ദേശമില്ല. ചിലർ തന്റെ ചോര കുടിക്കാൻ കാത്തിരിക്കുകയാണെന്നും ഗണേഷ് കുമാർ പറഞ്ഞു. കെഎസ്ആർടിസി മെഡിക്കൽ സെന്റർ ആൻഡ് ഡയാലിസിസ് യൂണിറ്റ് ഉൽഘാടനം ചെയ്യവേ ആയിരുന്നു മന്ത്രിയുടെ പ്രതികരണം.
”മന്ത്രിസഭയിൽ ഇനി കുറച്ചു ദിവസം കൂടി മാത്രമേ കാലാവധിയുള്ളൂ. തിരഞ്ഞെടുപ്പ് പ്രഖ്യാപിച്ചു കഴിഞ്ഞാൽ പിന്നെ മന്ത്രിക്ക് ഒരു വിലയുമില്ല. എന്നെ ജനങ്ങൾ വ്യക്തിപരമായി സ്നേഹിക്കുന്നുണ്ട്. അവരെ വിദ്വേഷിപ്പിക്കാനുള്ള ശ്രമമാണ് നടക്കുന്നത്.
എന്റെ ചോര വേണമെങ്കിൽ ഒരു കത്തി തന്നാൽ കൈ മുറിച്ചു തരാം. അത് കുടിച്ചോ. ഞാൻ ഇന്ന് രാജിവെച്ചു പോകുമെന്നാണ് ചിലർ കരുതിയത്. അത് നടന്നില്ല. അത്തരം സന്തോഷത്തിന് വേണ്ടി നടക്കേണ്ട. അങ്ങനെയൊക്കെ ആഗ്രഹിച്ചാൽ കൊള്ളാമോ” എന്നും മന്ത്രി ചോദിച്ചു.
Most Read| എൽപിജി ക്ഷാമം വരുമോ? വിതരണം കുറഞ്ഞു, അവശ്യവസ്തു നിയമം നടപ്പാക്കി കേന്ദ്രം
