കേരളത്തില് സമ്പര്ക്ക രോഗികളുടെ എണ്ണം കുതിച്ചുയരുന്നു. ഇന്ന് മാത്രം 2151 പേര്ക്കാണ് സമ്പര്ക്ക രോഗം സ്ഥിരീകരിച്ചത്. ആകെ 2333 പേര്ക്ക് കോവിഡ്-19 സ്ഥിരീകരിച്ചപ്പോഴാണ് ഇത്രയും ഉയര്ന്ന സമ്പര്ക്ക വ്യാപനം. 1217 പേര്ക്ക് രോഗമുക്തി നേടാനായി എന്നതാണ് ആശ്വാസകരമായ കാര്യം.
തലസ്ഥാനത്ത് നിന്ന് മാത്രം 540 പേര്ക്കാണ് ഇന്ന് രോഗ സ്ഥിരീകരണം. കൊല്ലം-77, ആലപ്പുഴ-253, പത്തനംതിട്ട=87, കോട്ടയം-203, എറണാകുളം-230, ഇടുക്കി-64, തൃശൂര്-97, പാലക്കാട്-65 , മലപ്പുറം-322, കോഴിക്കോട്-78, കണ്ണൂര്=126, വയനാട് 17, കാസര്ഗോഡ് 174 പേര് എന്നിങ്ങനെയാണ് രോഗ ബാധിതര്.
ഇന്ന് രോഗം സ്ഥിരീകരിച്ചവരില് 60 പേര് വിദേശ രാജ്യങ്ങളില് നിന്നും 98 പേര് മറ്റ് സംസ്ഥാനങ്ങളില് നിന്നും വന്നതാണ്. സമ്പര്ക്കത്തിലൂടെ രോഗം ബാധിച്ച 2151 പേരില് 53 പേരുടെ സമ്പര്ക്ക ഉറവിടം വ്യക്തമല്ല. തിരുവനന്തപുരം ജില്ലയിലെ 519 പേര്ക്കും, മലപ്പുറം ജില്ലയിലെ 297 പേര്ക്കും, ആലപ്പുഴ ജില്ലയിലെ 240 പേര്ക്കും, എറണാകുളം ജില്ലയിലെ 214 പേര്ക്കും, കോട്ടയം ജില്ലയിലെ 198 പേര്ക്കും, കാസര്ഗോഡ് ജില്ലയിലെ 154 പേര്ക്കും, കണ്ണൂര് ജില്ലയിലെ 122 പേര്ക്കും, തൃശൂര് ജില്ലയിലെ 89 പേര്ക്കും, പത്തനംതിട്ട ജില്ലയിലെ 78 പേര്ക്കും, കൊല്ലം ജില്ലയിലെ 74 പേര്ക്കും, കോഴിക്കോട് ജില്ലയിലെ 60 പേര്ക്കും, പാലക്കാട് ജില്ലയിലെ 55 പേര്ക്കും, ഇടുക്കി ജില്ലയിലെ 38 പേര്ക്കും, വയനാട് ജില്ലയിലെ 13 പേര്ക്കുമാണ് ഇന്ന് സമ്പര്ക്കത്തിലൂടെ രോഗം ബാധിച്ചത്. കൂടാതെ, എറണാകുളം ജില്ലയിലെ ഇന്ത്യന് നേവിയുടെ ഐ.എന്.എച്ച്.എസിലെ 7 ജിവനക്കാര് ഉള്പ്പടെ 24 ആരോഗ്യ പ്രവര്ത്തകര്ക്കും ഇന്ന് രോഗം ബാധിച്ചിട്ടുണ്ട്. തിരുവനന്തപുരം ജില്ലയിലെ 7, മലപ്പുറം ജില്ലയിലെ 5, എറണാകുളം ജില്ലയിലെ 3, കോഴിക്കോട്, കണ്ണൂര് ജില്ലകളിലെ ഒന്ന് വീതവും ആരോഗ്യ പ്രവര്ത്തകരാണ് രോഗ ബാധിതരായത്.
സംസ്ഥാനത്ത് 7 മരണങ്ങളില് സ്ഥിരീകരിച്ചു:
കോവിഡ്-19 മൂലമാണെന്ന് സ്ഥിരീകരിച്ചമരണങ്ങള് ആകെ 7 ആണ്. ആഗസ്റ്റ് 12ന് മരണമടഞ്ഞ തിരുവനന്തപുരം കാലടി സൗത്ത് സ്വദേശിനി ഭാര്ഗവി (90), പത്തനംതിട്ട അടൂര് സ്വദേശി ഷംസുദീന് (65), ആഗസ്റ്റ് 15ന് മരണമടഞ്ഞ തിരുവനന്തപുരം ആര്യനാട് സ്വദേശിനി മീനാക്ഷി (86), ആഗസ്റ്റ് 17ന് മരണമടഞ്ഞ കൊല്ലം കുളത്തൂപ്പുഴ സ്വദേശി രാജന് (56), എറണാകുളം ആലുവ സ്വദേശിനി ജമീല (53), ആഗസ്റ്റ് 18ന് മരണമടഞ്ഞ എറണാകുളം കോതമംഗലം സ്വദേശി ടി.വി. മത്തായി (67), ആഗസ്റ്റ് 14ന് മരണമടഞ്ഞ എറണാകുളം കോതാട് സ്വദേശി തങ്കപ്പന് (64) എന്നിവരുടെ പരിശോധനാഫലം കോവിഡ്-19 മൂലമാണെന്ന് എന്ഐവി ആലപ്പുഴ സ്ഥിരീകരിച്ചു. ഇതോടെ ആകെ കോവിഡ് മരണം 182 ആയി.
രോഗം സ്ഥിരീകരിച്ച് ചികിത്സയിലായിരുന്ന 1217 പേരുടെ പരിശോധനാഫലം നെഗറ്റീവ് ആയി. തിരുവനന്തപുരം ജില്ലയില് നിന്നുള്ള 224 പേരുടെയും, കൊല്ലം ജില്ലയില് നിന്നുള്ള 41 പേരുടെയും, പത്തനംതിട്ട ജില്ലയില് നിന്നുള്ള 18 പേരുടെയും, ആലപ്പുഴ ജില്ലയില് നിന്നുള്ള 65 പേരുടെയും, കോട്ടയം ജില്ലയില് നിന്നുള്ള 54 പേരുടെയും, ഇടുക്കി ജില്ലയില് നിന്നുള്ള 5 പേരുടെയും, എറണാകുളം ജില്ലയില് നിന്നുള്ള 101 പേരുടെയും, തൃശൂര് ജില്ലയില് നിന്നുള്ള 28 പേരുടെയും, പലക്കാട് ജില്ലയില് നിന്നുള്ള 103 പേരുടെയും, മലപ്പുറം ജില്ലയില് നിന്നുള്ള 263 പേരുടെയും, കോഴിക്കോട് ജില്ലയില് നിന്നുള്ള 174 പേരുടെയും, വയനാട് ജില്ലയില് നിന്നുള്ള 12 പേരുടെയും, കണ്ണൂര് ജില്ലയില് നിന്നുള്ള 48 പേരുടെയും, കാസര്ഗോഡ് ജില്ലയില് നിന്നുള്ള 81 പേരുടെയും പരിശോധനാ ഫലമാണ് ഇന്ന് നെഗറ്റിവായത്. ഇതോടെ 17,382 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 32,611 പേര് ഇതുവരെ കോവിഡില് നിന്നും മുക്തി നേടി.
സംസ്ഥാനത്തെ വിവിധ ജില്ലകളിലായി 1,69,687 പേരാണ് ഇപ്പോള് നിരീക്ഷണത്തിലുള്ളത്. നിരീക്ഷണത്തിലുള്ളവരില് 1,55,928 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 13,759 പേര് ആശുപത്രികളിലും നിരീക്ഷണത്തിലാണ്. 1730 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
അതേസമയം പരിശോധനയും വര്ധിപ്പിച്ചിട്ടുണ്ട്. കഴിഞ്ഞ 24 മണിക്കൂറിനിടെ 36,291 സാമ്പിളുകളാണ് പരിശോധിച്ചത്. റുട്ടീന് സാമ്പിള്, എയര്പോര്ട്ട് സര്വയിലന്സ്, പൂള്ഡ് സെന്റിനല്, സിബി നാറ്റ്, ട്രൂനാറ്റ്, സിഎല്ഐഎ, ആന്റിജെന് അസ്സെ എന്നിവ ഉള്പ്പെടെ ഇതുവരെ ആകെ 12,76,358 സാമ്പിളുകളാണ് പരിശോധനയ്ക്കായി അയച്ചത്. സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 1,53,433 സാമ്പിളുകളും പരിശോധനയ്ക്കയച്ചു.
ഇന്ന് 19 പുതിയ ഹോട്ട് സ്പോട്ടുകളാണുള്ളത്. പാലക്കാട് ജില്ലയിലെ മണ്ണൂര് (കണ്ടൈന്മെന്റ് സോണ് വാര്ഡ് 5), ഷൊര്ണൂര് (6), കിഴക്കഞ്ചേരി (6), കൊല്ലം ജില്ലയിലെ ശൂരനാട് നോര്ത്ത് (9), കുളക്കട (2, 3), വെളിനല്ലൂര് (2, 3), തൃശൂര് ജില്ലയിലെ കാട്ടക്കാമ്പല് (സബ് വാര്ഡ് 11), കൊടുങ്ങല്ലൂര് (സബ് വാര്ഡ് 1, 2), തിരുവനന്തപുരം ജില്ലയിലെ കിഴുവല്ലം (1), ഒറ്റശേഖരമംഗലം (10, 12), ദേലാംപാടി (3), മൂളിയാര് (8), പത്തനംതിട്ട ജില്ലയിലെ തിരുവല്ല മുന്സിപ്പാലിറ്റി (4), കുളനട (12), എറണാകുളം ജില്ലയിലെ കണ്ടക്കടവ് (സബ് വാര്ഡ് 3), പാമ്പാക്കുട (13), ആലപ്പുഴ ജില്ലയിലെ കണ്ടല്ലൂര് (8, 9, 11), കോട്ടയം ജില്ലയിലെ മീനാടം (6), മലപ്പുറം ജില്ലയിലെ വഴിക്കടവ് (6, 11, 12, 13, 14, 15, 21, 22) എന്നിവയാണ് പുതിയ ഹോട്ട് സ്പോട്ടുകള്.
12 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. തൃശൂര് ജില്ലയിലെ മൂരിയാട് (വാര്ഡ് 9), തിരുവില്വാമല (4), പാണഞ്ചേരി (6 (സബ് വാര്ഡ്) 7, 8), വയനാട് ജില്ലയിലെ അമ്പലവയല് (2, 3), തരിയോട് (8, 9), കോട്ടത്തറ (10), പാലക്കാട് ജില്ലയിലെ നെന്മാറ (19), കാസര്ഗോഡ് ജില്ലയിലെ ബെള്ളൂര് (1, 10, 11), ഈസ്റ്റ് എളേരി (14, 15), പാലക്കാട് ജില്ലയിലെ അഗളി (9), കോട്ടയം ജില്ലയിലെ വെച്ചൂര് (6), എറണാകുളം ജില്ലയിലെ മലയാറ്റൂര് നിലേശ്വരം (1) എന്നീ പ്രദേശങ്ങളെയാണ് കണ്ടൈന്മെന്റ് സോണില് നിന്നും ഒഴിവാക്കിയത്. ഇതോടെ നിലവില് 572 ഹോട്ട് സ്പോട്ടുകളാണുള്ളത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
