കൊച്ചി: സംസ്‌ഥാനത്ത്‌ സ്വർണവിലയിൽ ഇന്നും റെക്കോർഡ്. ഇന്നലെ മാറ്റമില്ലാതെ തുടർന്ന പവന് ഇന്ന് 320 രൂപ വർധിച്ച് 56,800 രൂപയായി. ചരിത്രത്തിലെ ഏറ്റവും വലിയ നിരക്കാണ് ഇത്. ഗ്രാമിന് 40 രൂപ വർധിച്ച് 7100 രൂപയായി. ഒരു ഗ്രാം കാരറ്റ് സ്വർണത്തിന്റെ വില 5870 രൂപയാണ്.
പശ്‌ചിമേഷ്യൻ ആക്രമണം രൂക്ഷമായതിനെ തുടർന്നാണ് സ്വർണവില കുത്തനെ ഉയർന്നത്. യുദ്ധ ആശങ്കകൾ വർധിക്കുമ്പോൾ സ്വർണത്തിന്റെ നിക്ഷേപങ്ങൾ കൂടും. ഇത് വിപണി വില ഉയർത്തും. ഉടൻ ഒരു വെടിനിർത്തൽ ഉണ്ടായില്ലെങ്കിൽ വിലവർധനവ് തുടരും. മാത്രമല്ല, വരും ദിവസങ്ങളിൽ തന്നെ അന്താരാഷ്‌ട്ര സ്വർണവില 2700 കടക്കാനുള്ള സാധ്യതകളും ഉണ്ട്.
വെള്ളിയുടെ വിലയിൽ ഇന്ന് മാറ്റമില്ല. ഇന്നലെ ഒരു രൂപ വർധിച്ച് ഒരു ഗ്രാം വെള്ളിയുടെ വില 99 രൂപയായിരുന്നു. നിലവിൽ സംസ്‌ഥാനത്ത്‌ വിവാഹ സീസണാണ്. സ്വർണവില വർധനവ് നിലവിൽ ആശങ്ക ഉണ്ടാക്കുന്നുണ്ട്.
Most Read| ജലത്തിൽ തെളിയുന്ന മഴവിൽക്കാഴ്‌ച; ഈ ചതുപ്പുകാട് മനസിന് കുളിർമയേകും
