ന്യൂഡെൽഹി: പാര്‍ലമെന്റ് അംഗങ്ങള്‍ക്കായി ഭാഷാ പഠന പദ്ധതി ഒരുങ്ങുന്നു. പാര്‍ലമെന്ററി റിസേര്‍ച്ച് ആന്‍ഡ് ട്രെയിനിംഗ് ഇന്‍സ്‌റ്റിറ്റ്യൂട്ട് ഫോര്‍ ഡെമോക്രസീസും ലോക്‌സഭാ സെക്രട്ടേറിയേറ്റും സംയുക്‌തമായി എംപിമാര്‍, സംസ്‌ഥാന, കേന്ദ്രഭരണ പ്രദേശങ്ങളില്‍ നിന്നുള്ള നിയമസഭാംഗങ്ങള്‍, മറ്റ് ഉദ്യോഗസ്‌ഥര്‍ എന്നിവര്‍ക്കായി നടപ്പാക്കുന്ന പദ്ധതി ഈ മാസം 22ന് ലോക്‌സഭാ സ്‌പീക്കര്‍ ഓം ബിര്‍ള ഓണ്‍ലൈനായി ഉൽഘാടനം ചെയ്യും. ഫ്രാന്‍സ്, ജര്‍മനി, ജപ്പാന്‍, പോര്‍ച്ചുഗല്‍, റഷ്യ, സ്‌പെയിന്‍ എന്നീ രാജ്യങ്ങളുടെ അംബാസിഡര്‍മാര്‍ ചടങ്ങില്‍ പങ്കെടുക്കും.
ഇന്ത്യന്‍ ഭാഷകളും വിദേശ ഭാഷകളും പഠിപ്പിക്കുന്നതാണ് പദ്ധതി. ജൂണ്‍ 22 മുതല്‍ ഫ്രെഞ്ച്, ജര്‍മന്‍, പോര്‍ച്ചുഗീസ്, റഷ്യന്‍, സ്‌പാനിഷ് എന്നീ വിദേശ ഭാഷകള്‍ക്കായുള്ള ഓണ്‍ലൈന്‍ ക്ളാസുകൾ ആരംഭിക്കും. ജൂലൈ 5ഓടെ ഗുജറാത്തി, ബംഗാളി, കന്നഡ, മലയാളം, മറാത്തി, തമിഴ് തുടങ്ങിയ ഭാഷകളിലും ജൂലൈ 22ന് കശ്‌മീരി, സിന്ധി, നേപ്പാളി, മണിപ്പൂരി, പഞ്ചാബി ഭാഷകളിലും ക്ളാസുകള്‍ ആരംഭിക്കും.
Also Read: രാജ്യത്ത് ഇന്ധനവിലയിൽ ഇന്നും വർധന
