കൊച്ചി: പെരുമ്പാവൂർ മേതലയിൽ പ്ളൈവുഡ് കമ്പനിയിൽ വൻ തീപിടിത്തം. കല്ലിൽ ഹയർ സെക്കൻഡറി സ്കൂളിന് സമീപം പ്രവർത്തിക്കുന്ന പ്ളൈവുഡ് സ്ഥാപനത്തിനാണ് ഉച്ചയ്ക്ക് ഒരുമണിയോടെ തീപിടിച്ചത്. കമ്പനിയുടെ കെട്ടിടത്തിന്റെ ഒരുഭാഗം കത്തി നശിച്ചു. ഉള്ളിൽ ഉണ്ടായിരുന്ന പ്ളൈവുഡ് ഉൽപ്പന്നങ്ങൾ പൂർണമായും അഗ്നിക്കിരയായി.
അതേസമയം, തീപിടിത്തത്തിന്റെ കാരണം വ്യക്തമല്ല. കോടികളുടെ നാശനഷ്ടം സംഭവിച്ചു എന്നാണ് പ്രാഥമിക വിലയിരുത്തൽ. എറണാകുളം ജില്ലയിലെ വിവിധ ഭാഗങ്ങളിൽ നിന്ന് അഗ്നിശമന സേനയുടെ എട്ട് യൂണിറ്റുകൾ തീയണയ്ക്കാൻ എത്തി.
സ്ഥാപനത്തിലെ ഡ്രൈയറിന്റെ ഭാഗത്താണ് ആദ്യം തീപിടിച്ചത്. പിന്നീട് പല ഭാഗങ്ങളിലേക്കായി തീ പടരുകയായിരുന്നു. തീപിടിക്കുന്ന സമയം ഇവിടെ തൊഴിലാളികൾ ഉണ്ടായിരുന്നെങ്കിലും ആർക്കും പരിക്കുകളില്ല. കുറുപ്പംപടി പോലീസും സ്ഥലത്തെത്തി.
Most Read| തടാകത്തിന് മുകളിൽ ഒഴുകിനടന്ന് പാൻകേക്കുകൾ! അപൂർവ പ്രതിഭാസം
