ഗൊരഖ്‌പുർ: മലയാളി ഡോക്‌ടറെ ഉത്തർപ്രദേശിലെ ഗൊരഖ്‌പുരിൽ മരിച്ച നിലയിൽ കണ്ടെത്തി. തിരുവനന്തപുരം നെയ്യാറ്റിൻകര സ്വദേശി അഭിഷോ ഡേവിഡാണ് (32) മരിച്ചത്. ഗൊരഖ്‌പുർ ബിആർഡി മെഡിക്കൽ കോളേജിലെ പിജി മൂന്നാംവർഷ വിദ്യാർഥിയായിരുന്നു.
ഹോസ്‌റ്റൽ മുറിയിൽ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി എന്നാണ് ബന്ധുക്കളെ അറിയിച്ചത്. അഭിഷോ ഡ്യൂട്ടിക്ക് എത്താതിനെ തുടർന്നാണ് ആശുപത്രി അധികൃതർ താമസ സ്‌ഥലത്ത്‌ എത്തിയത്. മുറി പൂട്ടിയ നിലയിലായിരുന്നു. ഇവർ മുറിയുടെ പൂട്ട് തകർത്ത് അകത്തുകയറി പരിശോധിച്ചപ്പോഴാണ് മരിച്ച നിലയിൽ കണ്ടത്.
മരണകാരണം വ്യക്‌തമല്ല. മൃതദേഹം പോസ്‌റ്റുമോർട്ടം ചെയ്യാനായി മാറ്റി. ഒരുവർഷം മുമ്പാണ് അഭിഷോയുടെ വിവാഹം കഴിഞ്ഞത്. പ്രശ്‌നങ്ങൾ ഉണ്ടായിരുന്നില്ലെന്നാണ് സഹപാഠികൾ പറയുന്നത്.
Most Read| തറയ്‌ക്കടിയിൽ നിന്ന് രക്‌തസമാന ദ്രാവകം പരന്നൊഴുകി; അമ്പരന്ന് നാട്ടുകാർ!
