ന്യൂഡെൽഹി: മണിപ്പൂരിൽ നിയമസഭാ തിരഞ്ഞെടുപ്പിന് മുന്നോടിയായി ഗുരുതര ആരോപണവുമായി എൻപിപി. തങ്ങളുടെ സ്ഥാനാർഥികൾ ഭീഷണി നേരിടുകയാണെന്നും അധിക സുരക്ഷ ആവശ്യമാണെന്നും നാഷണൽ പീപ്പിൾസ് പാർട്ടി പ്രസ്താവിച്ചു. തീവ്രവാദ-അധോലോക ഗ്രൂപ്പുകൾ ബിജെപിയെ പിന്തുണയ്ക്കാൻ ഭീഷണിപ്പെടുത്തുകയാണെന്ന് എൻപിപി ആരോപിക്കുന്നു.
കെഎൻഎഫ്-എംസി, കെഎൻഎഫ്-സെഡ്, യുകെഎൽഎഫ്, കെഎൻഎ, എച്ച്പിസി (ഡി) എന്നീ സംഘടനകൾ ബിജെപി, എൻപിഎഫ് സ്ഥാനാർഥികൾക്ക് പരസ്യ പിന്തുണയുമായി രംഗത്തെത്തിയിട്ടുണ്ട്. തീവ്രവാദ സംഘടനകളായ എച്ച്പിസിയുടെ കേഡർമാർ ബിജെപിക്ക് വേണ്ടി വോട്ടർമാരെയും ഗ്രാമമുഖ്യൻമാരെയും ആയുധങ്ങൾ കാണിച്ച് ഭയപ്പെടുത്തുന്നു.
സസ്പെൻഷൻ ഓഫ് ഓപ്പറേഷന്റെ കീഴിലുള്ള കെഎൻഎ, യുകെഎൽഎഫ് തുടങ്ങിയ അധോലോക ഗ്രൂപ്പുകൾ എൻപിപി പ്രവർത്തകരെയും ഗ്രാമത്തലവനെയും ബിജെപി സ്ഥാനാർഥി ലെറ്റ്പാവോ ഹാക്കിപ്പിനെ പിന്തുണയ്ക്കാൻ ഭീഷണിപ്പെടുത്തുന്നുവെന്നും ആരോപണമുണ്ട്.
ലാംഡെൻ കുക്കി ഗ്രാമത്തിൽ ആറ് വനിതാ എൻപിപി പ്രവർത്തകരെയും രണ്ട് ഡ്രൈവർമാരെയും മറ്റ് സംഘടനാ അംഗങ്ങൾ തടഞ്ഞുനിർത്തുകയും എൻപിപി സ്ഥാനാർഥിക്ക് വേണ്ടി പ്രചാരണം നടത്തിയാൽ വെടിവെക്കുമെന്ന് ഭീഷണിപ്പെടുത്തുകയും ചെയ്തതായി എൻപിപി പ്രസ്താവനയിൽ പറഞ്ഞു. പുതിയ ആരോപണത്തോടെ സംസ്ഥാനത്ത് തിരഞ്ഞെടുപ്പ് പോർമുഖം കൂടുതൽ തുറന്നിടുകയാണ് എൻപിപി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
