തിരുവനന്തപുരം: റേഷന് കാര്ഡില്ലാത്തതിന്റെ പേരില് ചിറയിന്കീഴ് പെരിങ്കുഴി സ്വദേശി സഫിയ ബീവിയുടെ മകന് ഇനി സൗജന്യ ചികിൽസ മുടങ്ങില്ല. ആരോഗ്യ വകുപ്പ് മന്ത്രി വീണാ ജോര്ജിന്റെ ഇടപെടലിലാണ് സഫിയക്കും മകന് നവാസി(47)നും ആശ്വാസമായത്.
സ്ട്രോക്ക് ബാധിച്ച് തിരുവനന്തപുരം മെഡിക്കല് കോളേജ് എസ്എസ്ബി ഐസിയുവില് ചികിൽസയിലുള്ള നവാസിന് സൗജന്യ ചികിൽസ നല്കാന് മന്ത്രി ആശുപത്രി സൂപ്രണ്ടിന് നിര്ദ്ദേശം നല്കി. കരള്മാറ്റിവെക്കല് ശസ്ത്രക്രിയയുടെ പരിശീലന പരിപാടിയില് അഭിസംബോധന ചെയ്യാനാണ് മന്ത്രി മെഡിക്കല് കോളേജ് സൂപ്പര് സ്പെഷ്യാലിറ്റി ബ്ളോക്കില് എത്തിയത്.
പരിപാടി കഴിഞ്ഞ് പോകാനായി വന്നപ്പോഴാണ് ഒന്നാം നിലയിലെ എംഐസിയുവിന്റെ മുമ്പില് രോഗികളെ കണ്ടത്. അവരുമായി സംസാരിക്കുമ്പോള് മറ്റ് കൂട്ടിരിപ്പുകാരാണ് സഫിയ ബീവിക്ക് റേഷന്കാര്ഡ് പോലുമില്ലാതെ മരുന്നിനും ഭക്ഷണത്തിനുമായി ബുദ്ധിമുട്ടുന്ന കാര്യം പറഞ്ഞത്. ഉടന് തന്നെ മന്ത്രി അവരുമായും കൂടെയുള്ള കൊച്ചുമകനുമായും സംസാരിച്ച് ആശ്വസിപ്പിക്കുകയും ഇവര്ക്ക് സൗജന്യമായി ഭക്ഷണവും മരുന്നും നല്കാന് തീരുമാനിക്കുകയും ആയിരുന്നു.
ഇതേ സ്ഥലത്ത് തന്നെ കുറച്ച് രോഗികളുടെ കൂട്ടിരിപ്പുകാര് നിലത്തിരിക്കുന്നതായി കണ്ട മന്ത്രി മതിയായ കസേരകളൊരുക്കാന് സൂപ്രണ്ടിന് നിര്ദ്ദേശം നല്കിയാണ് മടങ്ങിയത്. നിലവില് നാല് സീറ്റുകള് വീതമുള്ള 4 എയര്പോര്ട്ട് ചെയറുകളാണ് ഇവിടെ ഉള്ളത്. അതുപോലെ നാലെണ്ണം കൂടി ഉടന് അവിടെയിടാന് തീരുമാനമായി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
