തിരുവനന്തപുരം: എസ്എസ്എൽസി, പ്ളസ് ടു പരീക്ഷകൾ നേരത്തെ നിശ്ചയിച്ച പ്രകാരം നടക്കുമെന്ന് വിദ്യാഭ്യാസ വകുപ്പ് വ്യക്തമാക്കി. കോവിഡ് മാനദണ്ഡങ്ങൾ പാലിച്ചാണ് പരീക്ഷകൾ പുരോഗമിക്കുന്നത്. പരീക്ഷ മാറ്റണമെന്ന ആവശ്യം ആരും വിദ്യാഭ്യാസ വകുപ്പിന് മുന്നിൽ വെച്ചിട്ടില്ലെന്ന് പൊതുവിദ്യാഭ്യാസ ഡയറക്ടർ അറിയിച്ചു.
കോവിഡ് കേസുകൾ ഉയരുന്ന സാഹചര്യത്തിൽ സംസ്ഥാനത്തെ സർവകലാശാല പരീക്ഷകൾ മാറ്റിവെച്ചിട്ടുണ്ട്. നാളെ മുതൽ നടത്താനിരുന്ന കേരള, എംജി, കാലിക്കറ്റ്, കണ്ണൂർ, കാലടി സർവകലാശാല പരീക്ഷകളാണ് മാറ്റിയത്. മലയാളം, ആരോഗ്യ, സാങ്കേതിക സർവകലാശാലകളും പരീക്ഷകൾ മാറ്റിയിട്ടുണ്ട്. കണ്ണൂർ സർവകലാശാലയുടെ ഓൺലൈൻ പരീക്ഷകൾക്ക് മാറ്റമുണ്ടാകില്ല.
രോഗവ്യാപനം കണക്കിലെടുത്ത് സർവകലാശാല പരീക്ഷകൾ മാറ്റിവെക്കാൻ ചാൻസലറായ ഗവർണറാണ് നിർദേശം നൽകിയത്. കോവിഡ് സ്ഥിതികൾ വിലയിരുത്തിയ ശേഷമാകും ഈ പരീക്ഷകളുടെ പുതുക്കിയ തീയതി പ്രഖ്യാപിക്കുക.
Read also:രാജ്യത്ത് നിലവിൽ ലോക്ക്ഡൗണ് സാഹചര്യമില്ല; അമിത് ഷാ
