തിരുവനന്തപുരം: സംസ്ഥാനത്ത് എസ്എസ്എൽസി/ ടിഎച്ച്എസ്എൽസി/ എഎച്ച്എസ്എൽസി പരീക്ഷാഫലം ഇന്ന്. ഉച്ചകഴിഞ്ഞ് മൂന്നിന് മന്ത്രി വി ശിവൻകുട്ടി ഫലം പ്രഖ്യാപിക്കും. നാലുമണിയോടെ മുഴുവൻ വിദ്യാർഥികളുടെയും ഫലം വെബ്സൈറ്റുകളിൽ ലഭ്യമാകും. 4,27,105 വിദ്യാർഥികളാണ് എസ്എസ്എൽസി ഫലം കാത്തിരിക്കുന്നത്.
കഴിഞ്ഞ വർഷത്തേക്കാൾ 7977 വിദ്യാർഥികൾ കൂടുതൽ. 99.7% ആയിരുന്നു കഴിഞ്ഞവർഷത്തെ വിജയശതമാനം. അതേസമയം, ഫലപ്രഖ്യാപനത്തിൽ ആശങ്ക വേണ്ടെന്ന് മന്ത്രി വി ശിവൻകുട്ടി വ്യക്തമാക്കി. അക്ഷരം അറിയാത്തവർക്ക് മാർക്ക് കൊടുത്തുവെന്നത് തെറ്റിദ്ധാരണയാണെന്നും അദ്ദേഹം ചൂണ്ടിക്കാട്ടി. വിജയശതമാനം കൂടുന്നത് നിലവാര തകർച്ചയല്ലെന്നും മന്ത്രി കൂട്ടിച്ചേർത്തു.
ഫലം ലഭിക്കുന്ന വെബ്സൈറ്റുകൾ
www.results.kite.kerala.gov.in
https://pareekshabhavan.kerala.gov.in
Most Read| ഗുരുതര പാർശ്വഫലങ്ങളെന്ന് റിപ്പോർട്; കൊവിഡ് വാക്സിൻ പിൻവലിച്ച് അസ്ട്രോസെനക