തിരുവനന്തപുരം: എസ്എസ്എൽസി മോഡൽ പരീക്ഷകൾ ഈ മാസം 19ന് ആരംഭിക്കും. 23 വരെയാണ് പരീക്ഷ. രാവിലെ 9.45 മുതൽ 11.30 വരെയും ഉച്ചയ്ക്ക് 2 മണിമുതൽ 3.45 വരേയുമാണ് പരീക്ഷാ സമയം. എസ്എസ്എൽസി പൊതുപരീക്ഷ മാർച്ച് നാലിന് തുടങ്ങി 25ന് അവസാനിക്കും. രാവിലെ 9.30 മുതലാണ് പരീക്ഷ ആരംഭിക്കുന്നത്.
ഹയർ സെക്കണ്ടറി ഒന്നും രണ്ടും വർഷ മോഡൽ പരീക്ഷകൾ ഇന്നലെ മുതൽ ആരംഭിച്ചു. ഈ പരീക്ഷകൾ 21ന് അവസാനിക്കും. പൊതുപരീക്ഷ മാർച്ച് ഒന്നിന് ആരംഭിച്ച് മാർച്ച് 26ന് അവസാനിക്കും. രാവിലെ 9.30 മുതലാണ് പരീക്ഷ ആരംഭിക്കുന്നത്. വൊക്കേഷണൽ ഹയർ സെക്കണ്ടറി മോഡൽ പരീക്ഷകളും ഇതിനൊപ്പം നടക്കുന്നുണ്ട്. മറ്റു ക്ളാസുകളിലെ വാർഷിക പരീക്ഷ മാർച്ച് 18 മുതൽ 26 വരെയായിരിക്കും. എൽപി, യുപി ക്ളാസുകളിൽ മാർച്ച് അഞ്ചുമുതൽ ആരംഭിക്കും. എട്ട്, ഒമ്പത് ക്ളാസുകളിലെ പരീക്ഷകൾ മാർച്ച് ഒന്ന് മുതൽ തുടങ്ങും.
Most Read| വീണാ വിജയന് തിരിച്ചടി; എക്സാലോജിക് ഹരജി തള്ളി കർണാടക ഹൈക്കോടതി