ന്യൂഡെൽഹി: ഇന്ത്യയുടെ അത്യാധുനിക കാലാവസ്‌ഥാ നിരീക്ഷണ ഉപഗ്രഹം ഇൻസാറ്റ്‌ 3ഡിഎസ് വിക്ഷേപണം ഇന്ന്. ശ്രീഹരിക്കോട്ടയിലെ സതീഷ് ധവാൻ സ്‌പേസ്‌ സെന്ററിൽ നിന്ന് വൈകിട്ട് 5.35നാണ് വിക്ഷേപണം നടക്കുക. ജിഎസ്‌എൽവി എഫ്-17 ആണ് വിക്ഷേപണ വാഹനം. കാലാവസ്‌ഥാ പ്രവചനത്തിനും, പ്രകൃതി ദുരന്തങ്ങളുടെ മുന്നറിയിപ്പിനും ഉപഗ്രഹം മുതൽക്കൂട്ടാകുമെന്നാണ് ഐഎസ്ആർഒയുടെ പ്രതീക്ഷ.
കാട്ടുതീ വരെ തിരിച്ചറിയാനും മേഘങ്ങളുടെ സഞ്ചാരവും സമുദ്രത്തിലെ മാറ്റങ്ങളും മനസിലാക്കാനും ഇൻസാറ്റ്‌ 3ഡിഎസ് നൽകുന്ന വിവരങ്ങളിലൂടെ സാധിക്കും. ജിഎസ്എൽവിയുടെ 16ആം ദൗത്യമാണിത്. ഉപഗ്രഹത്തിന് 2,274 കിലോഗ്രാം ഭാരമുണ്ട്. നിർമാണ, വിക്ഷേപണ ചിലവ് 480 കോടി രൂപയാണ്. വെള്ളിയാഴ്‌ച ഉച്ചക്ക് 2.05ന് 27.5 മണിക്കൂർ നീണ്ട കൗണ്ട്ഡൗൺ തുടങ്ങിയിരുന്നു. കൗണ്ട്ഡൗൺ പൂർത്തിയാവുന്നതോടെ റോക്കറ്റിന്റെ അവസാനവട്ട സുരക്ഷാ പരിശോധനകൾ പൂർത്തിയാക്കും.
Most Read| അണയില്ല മോനെ! ഒരു നൂറ്റാണ്ടിലേറെയായി പ്രകാശം പരത്തുന്ന ബൾബ്
