കണ്ണൂർ: ലോക്‌സഭാ തിരഞ്ഞെടുപ്പിൽ കള്ളവോട്ടും ആൾമാറാട്ടവും തടയാൻ കണ്ണൂരിൽ പഴുതടച്ച സുരക്ഷയൊരുക്കി ജില്ലാ ഭരണകൂടവും പോലീസും. ജില്ലയിലെ പ്രശ്‌ന ബാധിത ബൂത്തുകളിലടക്കം വോട്ടിങ് നടക്കുന്ന മുഴുവൻ സമയവും വെബ് കാസ്‌റ്റിങ്‌ ഏർപ്പെടുത്തിയിട്ടുണ്ട്. ഇത്തരം ബൂത്തുകളിൽ കേന്ദ്ര സേനയുടെ സുരക്ഷയിലായിരിക്കും വോട്ടെടുപ്പ്.
കൂടാതെ, പോളിങ് സ്‌റ്റേഷനുകളിൽ കേന്ദ്ര നിരീക്ഷകരുടെ സാന്നിധ്യമുണ്ടാകും. ബൂത്തിൽ ആൾമാറാട്ടമോ മറ്റ് ക്രമക്കേടുകളോ ഉണ്ടായാൽ കർശന നടപടി കൈക്കൊള്ളുമെന്ന് ജില്ലാ കളക്‌ടർ അരുൺ കെ വിജയൻ അറിയിച്ചു. ജില്ലാ കേന്ദ്രത്തിലൊരുക്കിയ കൺട്രോൾ റൂമിൽ നിന്ന് സദാസമയവും ബൂത്തുകളിലെ നടപടികൾ നിരീക്ഷിക്കും. ചട്ടവിരുദ്ധമായ എന്തെങ്കിലും ശ്രദ്ധയിൽപ്പെട്ടാൽ ഉടൻ ആവശ്യമായ ഇടപെടൽ നടത്തും. ഇതിനാവശ്യമായ ഉദ്യോഗസ്‌ഥരെ വിവിധ തലങ്ങളിലായി നിയോഗിച്ചിട്ടുണ്ട്.
മുഖ്യതിരഞ്ഞെടുപ്പ് ഓഫീസറുടെ ഓഫീസിലും വെബ് കാസ്‌റ്റിങ്ങിന്റെ ദൃശ്യങ്ങൾ തൽസമയം നിരീക്ഷിക്കാൻ കഴിയും. ക്രമസമാധാന നിർവഹണം നടത്തുന്ന പോലീസ് ഉദ്യോഗസ്‌ഥരെ സഹായിക്കുന്നതിനായി ക്യൂ ആർ കോഡ് അടിസ്‌ഥാനമാക്കിയ സാങ്കേതികവിദ്യ കണ്ണൂർ റൂറൽ പോലീസിന്റെ നേതൃത്വത്തിൽ ഇക്കുറി ഏർപ്പെടുത്തിയിട്ടുണ്ട്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
