ഓപ്പറേഷൻ സിന്ദൂർ; മോദിയും അമിത് ഷായും ഇന്ന് ലോക്‌സഭയെ അഭിസംബോധന ചെയ്യും
ഉച്ചയ്‌ക്ക് 12 മണിക്കും ഒരുമണിക്കുമിടയിൽ അമിത് ഷാ ലോക്‌സഭയെ അഭിസംബോധന ചെയ്യുമെന്നാണ് വിവരം. വൈകുന്നേരത്തോടെ പ്രധാനമന്ത്രി നരേന്ദ്രമോദിയും ലോക്‌സഭയിൽ സംസാരിക്കും.
ന്യൂഡെൽഹി: ഓപ്പറേഷൻ സിന്ദൂറുമായി ബന്ധപ്പെട്ട ചർച്ചകൾ പാർലമെന്റിൽ പുരോഗമിക്കുന്നതിനിടെ, പ്രധാനമന്ത്രി നരേന്ദ്രമോദിയും ആഭ്യന്തര മന്ത്രി അമിത് ഷായും ഇന്ന് ലോക്‌സഭയെ അഭിസംബോധന ചെയ്യുമെന്ന് കേന്ദ്ര സർക്കാർ വൃത്തങ്ങൾ അറിയിച്ചു. ഉച്ചയ്‌ക്ക് 12 മണിക്കും ഒരുമണിക്കുമിടയിൽ അമിത് ഷാ ലോക്‌സഭയെ അഭിസംബോധന ചെയ്യുമെന്നാണ് വിവരം.
വൈകുന്നേരത്തോടെ പ്രധാനമന്ത്രി നരേന്ദ്രമോദിയും ലോക്‌സഭയിൽ സംസാരിക്കും. ഓപ്പറേഷൻ സിന്ദൂറിനെ കുറിച്ചുള്ള ചർച്ചകൾ തിങ്കളാഴ്‌ച ഉച്ചയോടെ ലോക്‌സഭയിൽ ആരംഭിച്ചിരുന്നു. പ്രതിരോധ മന്ത്രി രാജ്‌നാഥ്‌ സിങ്ങാണ് ചർച്ചയ്‌ക്ക്‌ തുടക്കമിട്ടത്. ഓപ്പറേഷൻ സിന്ദൂർ ഐതിഹാസികമെന്ന് പ്രതിരോധ മന്ത്രി രാജ്‌നാഥ്‌ പറഞ്ഞു.
പഹൽഗാം ഭീകരാക്രമണത്തിൽ പാക്കിസ്‌ഥാന്റെ പങ്ക് വ്യക്‌തമാണ്. 22 മിനിറ്റിൽ ഓപ്പറേഷൻ സിന്ദൂർ ലക്ഷ്യം കണ്ടു. ഇതോടെയാണ് ആക്രമണം നിർത്തിയത്. ഭയന്ന പാക്കിസ്‌ഥാൻ ചർച്ചയ്‌ക്ക്‌ തയ്യാറായി. പാക്കിസ്‌ഥാൻ തോൽവി സമ്മതിച്ചു. ഇന്ത്യയുടെ യുദ്ധവിമാനങ്ങൾ സുരക്ഷിതമാണ്. ഓപ്പറേഷൻ സിന്ദൂർ അവസാനിക്കുന്നില്ലെന്നും രാജ്‌നാഥ്‌ സിങ് പറഞ്ഞു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
