ന്യൂഡെല്‍ഹി: സുപ്രീം കോടതി ചീഫ് ജസ്‌റ്റിസ് എസ്.എ ബോബ്ഡെയെ വിമര്‍ശിച്ച് ട്വീറ്റ് ചെയ്‌ത പ്രശാന്ത് ഭൂഷണ് എതിരെ വീണ്ടും പരാതി. മധ്യപ്രദേശ് സര്‍ക്കാര്‍ ഒരുക്കിയ ഹെലികോപ്റ്ററില്‍ ചീഫ് ജസ്‌റ്റിസ് യാത്ര ചെയ്‌തിരുന്നു. ഇതിനെ വിമര്‍ശിച്ചാണ് ഇന്നലെ പ്രശാന്ത് ഭൂഷണ് ട്വീറ്റ് ചെയ്‌തത്. ഇത് കോടതി അലക്ഷ്യമാണെന്ന് ചൂണ്ടിക്കാട്ടിയാണ് അറ്റോര്‍ണി ജനറലിന് അഭിഭാഷകന്‍ പരാതി നല്‍കിയത്.
കന്‍ഹ ദേശീയ ഉദ്യാനത്തിലേക്കും, അവിടുന്ന് നാഗ്‌പൂരിലേക്കും സന്ദര്‍ശനം നടത്താനാണ് മധ്യപ്രദേശ് സര്‍ക്കാര്‍ ഏര്‍പ്പെടുത്തിയ ഹെലികോപ്റ്ററില്‍ ചീഫ് ജസ്‌റ്റിസ് യാത്ര ചെയ്‌തത്.
“A special helicopter was provided by MP for the CJI’s visit to Kanha&Nagpur. Was this the routine use of normal entitlements? If the MP government did relax its rules,was the Restatement of Values of Judicial Life breached by accepting this hospitality?”https://t.co/vDtAXy0JkK
— Prashant Bhushan (@pbhushan1) October 24, 2020
അവിടെ എംഎല്‍എമാരെ അയോഗ്യരാക്കിയ കേസ് പരിഗണയില്‍ ഇരിക്കെയാണ് ചീഫ് ജസ്‌റ്റിസ് സംസ്‌ഥാനം സന്ദര്‍ശിക്കുന്നത്. ഈ കേസിനെ ആശ്രയിച്ചാണ് സര്‍ക്കാരിന്റെ നിലനില്‍പ്പ് എന്നിരിക്കെ സംസ്‌ഥാന സര്‍ക്കാരിന്റെ സഹായം സ്വീകരിച്ചത് പ്രത്യുപകാരമായി ആണെന്ന് ഭൂഷണ് ആരോപിച്ചു.
ഒക്‌ടോബർ 17 മുതല്‍ 20 വരെ ചീഫ് ജസ്‌റ്റിസിന് യാത്രക്ക് വേണ്ട സൗകര്യങ്ങള്‍ ഒരുക്കണമെന്ന് സംസ്‌ഥാന പ്രോട്ടോക്കോള്‍ ഓഫീസര്‍ നല്‍കിയ ഉത്തരവിന്റെ പകര്‍പ്പും പ്രശാന്ത് ഭൂഷണ് ട്വീറ്റിനൊപ്പം ചേര്‍ത്തിരുന്നു. ബോബ്ഡെയെ സംസ്‌ഥാന അതിഥിയായി പരിഗണിക്കുമെന്നും ഉത്തരവില്‍ പറയുന്നുണ്ട്.
നേരത്തെ ചീഫ് ജസ്‌റ്റിസ് ബോബ്ഡെയേയും, നാല് മുന്‍ ചീഫ് ജസ്‌റ്റിസുമാരെയും വിമര്‍ശിച്ചതുമായി ബന്ധപ്പെട്ട് പ്രശാന്ത് ഭൂഷണെതിരെ കോടതി അലക്ഷ്യക്കേസ് എടുത്തിരുന്നു.
Read Also: ബിഹാറിൽ മാത്രമല്ല, രാജ്യത്തെ മുഴുവൻ പേർക്കും സൗജന്യ വാക്‌സിൻ ലഭിക്കും; കേന്ദ്ര മന്ത്രി
