തിരുവനന്തപുരം: കെഎസ്ആർടിസി അന്തർ സംസ്ഥാന വോൾവോ, സ്കാനിയ, മൾട്ടി ആക്സിൽ ബസുകളിൽ ടിക്കറ്റ് നിരക്കുകളിൽ ഇളവ് പ്രഖ്യാപിച്ചു. താൽകാലികമായി 30 ശതമാനം ഇളവുകളാണ് ടിക്കറ്റിൽ പ്രഖ്യാപിച്ചത്. കൂടുതൽ യാത്രക്കാരെ ആകർഷിക്കുന്നതിന് വേണ്ടി വെള്ളിയാഴ്ച മുതൽ നിരക്ക് ഇളവ് നിലവിൽ വരും.
ഇതോടൊപ്പം എസി ജന്റം ബസുകളിലും ടിക്കറ്റിൽ ഇളവ് നൽകാൻ തീരുമാനിച്ചു. കോവിഡ് കാലഘട്ടത്തിൽ വർധിപ്പിച്ച നിരക്കിലാണ് ഇപ്പോൾ താൽകാലികമായി ഇളവ് നൽകിയിരിക്കുന്നത്.
കോവിഡ് കാലത്ത് എസി ജന്റം ബസുകളിൽ ആദ്യത്തെ 5 കിലോമീറ്ററിന് ഏറ്റവും കുറഞ്ഞ നിരക്ക് 26 രൂപയും പിന്നീടുള്ള ഓരോ കിലോമീറ്ററിനും 187 പൈസയുമാണ് ഈടാക്കിയിരുന്നത്. എന്നാൽ കുറഞ്ഞ നിരക്ക് 26 രൂപയായി നിലനിർത്താനും പിന്നീടുള്ള ഓരോ കിലോമീറ്ററിനും 125 പൈസയായി കുറക്കുവാനുമാണ് തീരുമാനിച്ചിരിക്കുന്നത്.
ഓരോ മണിക്കൂർ ഇടവിട്ട് തിരുവനന്തപുരത്ത് നിന്ന് ആലപ്പുഴ-എറണാകുളം വഴി കോഴിക്കോട് ഭാഗത്തേക്ക് ലോഫ്ളോർ എസി ബസുകൾ സർവീസ് നടത്തിവരുന്നുണ്ട്. കൂടാതെ തിരുവനന്തപുരത്ത് നിന്ന് കോട്ടയം വഴിയും കോഴിക്കോട് ഭാഗത്തേക്ക് സർവീസ് നടത്തിവരുന്നുണ്ട്. ഈ ബസുകളിലാണ് ടിക്കറ്റ് നിരക്കിൽ ഇളവ് ലഭിക്കുക.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
