തിരുവനന്തപുരം: കേരളത്തിന് ലഭിച്ച രണ്ടാം വന്ദേഭാരത് ട്രെയിനിന്റെ റൂട്ട് സംബന്ധിച്ച് പ്രഖ്യാപനം ഉടൻ ഉണ്ടായേക്കുമെന്ന് സൂചന. ട്രെയിനിന്റെ റൂട്ടും സമയക്രമവും രണ്ടു ദിവസത്തിനകം പ്രഖ്യാപിക്കുമെന്നും റെയിൽവേ ബോർഡ് അറിയിച്ചു. ദക്ഷിണ റെയിൽവേയിലെ റൂട്ടുകൾ തീരുമാനിക്കുന്ന സമിതിയാണ് അന്തിമതീരുമാനം എടുക്കുക.
ചെന്നൈയിൽ നിന്നും പുതിയ റേക്കുകൾ മംഗലാപുരത്തേക്ക് കൊണ്ടുപോയി. പരിശോധനകൾ പൂർത്തിയാക്കി ട്രെയിൻ സർവീസിന് സജ്ജമാക്കാൻ പാലക്കാട് ഡിവിഷന് റെയിൽവേ നിർദ്ദേശം നൽകി. ഇത് മംഗളൂരു- എറണാകുളം റൂട്ടിൽ സർവീസ് നടത്തുമെന്നാണ് സൂചന.
മംഗളൂരു- തിരുവനന്തപുരം, മംഗളൂരു-ഗോവ റൂട്ടുകളും പരിഗണനയിലുണ്ട്. നിലവിലെ ചാരവും നീലയും നിറമുള്ള ട്രെയിനുകൾക്ക് പകരം കാവിയും ചാരവും നിറമുള്ള ട്രെയിനുകളാണ് പുതുതായി അനുവദിച്ചിട്ടുള്ളത്. നിലവിലെ വന്ദേഭാരതിൽ നിന്നും 25 മാറ്റങ്ങൾ പുതിയ ട്രെയിനിൽ ഉണ്ട്.
Most Read| കരുവന്നൂര് ബാങ്ക് തട്ടിപ്പ്; എസി മൊയ്തീന് വീണ്ടും സമൻസ് അയച്ചു ഇഡി
