മലപ്പുറം: വ്രത വിശുദ്ധിയിലൂടെ നേടിയെടുത്ത സാഹോദര്യവും വിനയവും ക്ഷമയും ആത്‌മീയ വെളിച്ചവും ചേർത്ത് പിടിച്ച് വിദ്വേഷത്തെ പരസ്‌പര്യത്തിലൂടെ തടയാൻ ഈദാഘോഷം നിമിത്തമാകണമെന്ന് കേരള മുസ്‌ലിം ജമാഅത്ത് വിശ്വാസികളോട് ആവശ്യപ്പെട്ടു.
‘വർഗീയ ഫാസിസ്‌റ്റുകൾ ആസൂത്രിതമായി നടത്തുന്ന വിദ്വേഷ സാമൂഹിക വിഭജന നീക്കങ്ങളെ തടയിടാൻ ഈദാഘോഷത്തിൽ ഓരോരുത്തരും അവരവരുടെ ഹൃദയങ്ങളിൽ പ്രതിജ്‌ഞയെടുക്കണം. പാർശ്വവൽക്കരിക്കപ്പെട്ട സഹോദരങ്ങൾക്ക് എന്നും ആശ്വാസമാകാൻ വിശ്വാസികൾ ശ്രമിക്കണം’.
കുടുംബ ബന്ധം ശക്‌തിപ്പെടുത്തിയും ആരാധനകളാൽ ധന്യമാക്കിയും ഈദുൽ ഫിത്വർ ആഘോഷിക്കാൻ മുഴുവൻ വിശ്വാസികളും മുന്നോട്ട് വരണം. കേരള മുസ്‌ലിം ജമാഅത്ത് ജില്ലാ പ്രസിഡണ്ട്‌ കൂറ്റമ്പാറ അബ്‌ദുറഹ്‌മാൻ ദാരിമിയും ജനറൽ സെക്രട്ടറി പിഎം മുസ്‌തഫ കോഡൂരും ഈദ് സന്ദേശത്തിലൂടെ വിശ്വാസികളോട് അഭ്യർഥിച്ചു.
Most Read: സ്‌കൂളുകളില്‍ വേദങ്ങളും രാമായണവും; ഉത്തരവിറക്കാൻ ഉത്തരാഖണ്ഡ്
