വികസനവും സമാധാനവും ലക്ഷ്യം; എസ്‌വൈഎസ്‍ യുവജന സമ്മേളനം സമാപിച്ചു
മൂന്നു ദിവസങ്ങളിലായി നടന്ന സുന്നി യുവജനസംഘടനയുടെ കേരള യുവജന സമ്മേളനത്തിൽ മുഖ്യമന്ത്രി പിണറായി വിജയൻ, വഖഫ് മന്ത്രി വി അബ്‌ദുറഹ്‌മാൻ, പികെ കുഞ്ഞാലിക്കുട്ടി, ജോയ് ആലുക്കാസ്, വെങ്കിടേഷ് രാമകൃഷ്‌ണൻ, രാജീവ് ശങ്കരന്‍, പ്രൊഫ. സി രവീന്ദ്രനാഥ്, കെസി സുബിന്‍, ശ്രീജിത്ത് ദിവാകരന്‍, സിപി ജോണ്‍, ബാബു രാമചന്ദ്രന്‍, രാംമോഹന്‍ പാലിയത്ത്, പി ബാലചന്ദ്രന്‍ എംഎല്‍എ, ഡോ. അഭിലാഷ് മലയില്‍, ഡോ. വിനില്‍ പോള്‍, ഡോ. അബ്ബാസ് പനക്കല്‍ ഉൾപ്പെടെയുള്ള പ്രമുഖർ പങ്കെടുത്തു.
എസ്‌വൈഎസ്‍ കേരള യുവജന സമ്മേളന സമാപന സംഗമം ഇന്ത്യന്‍ ഗ്രാൻഡ്‌ മുഫ്‌തി കാന്തപുരം എപി അബൂബക്കര്‍ മുസ്‍ലിയാർ ഉൽഘാടനം നിർവഹിക്കുന്നു
തൃശൂര്‍: യുവജനങ്ങളുടെ സര്‍ഗാത്‌മക വികസനം ലക്ഷ്യംവെച്ചുള്ള പദ്ധതികള്‍ നടപ്പിലാക്കുമെന്ന് പ്രഖ്യാപിച്ച് മൂന്ന് ദിവസങ്ങളിലായി നടന്ന എസ്‌വൈഎസ്‍ കേരള യുവജന സമ്മേളനം സമാപിച്ചു. പതിനായിരം സ്‌ഥിരം പ്രതിനിധികളും അത്രയും അതിഥി പ്രതിനിധികളുമുണ്ടായിരുന്ന സമ്മേളനത്തിലേക്ക് വിവിധ ജില്ലകളില്‍ നിന്നായി ആയിരക്കണക്കിന് പ്രവർത്തകരാണ് ഒഴുകിയെത്തിയത്.
സമ്മേളനത്തിൽ വിവിധ ആശയങ്ങളില്‍ പ്രതിദിന സായാഹ്‌ന പൊതു സമ്മേളനം, ഫ്യൂച്ചര്‍ കേരള സമ്മിറ്റ്, നെക്‌സ്‌റ്റ്‌ജെന്‍ കോണ്‍ക്‌ളേവ്, ഹിസ്‌റ്ററി ഇന്‍സൈറ്റ്, കള്‍ചറല്‍ ഡയലോഗ്, യംഗ് ഇന്ത്യ സിമ്പോസിയം എന്നിവയിലൂടെ സാമൂഹിക വികസനവും സമുദ്ധാരണവും ലക്ഷ്യം വെക്കുന്ന പഠനങ്ങളും സംവാദങ്ങളും ഉൾപ്പടെയുള്ള പരിപാടികൾ മൂന്നു ദിവസങ്ങളിലായി നടന്നു.
സമാപന സമ്മേളനം ഇന്ത്യന്‍ ഗ്രാന്‍ഡ് മുഫ്‌തി കാന്തപുരം എ പി അബൂബക്കര്‍ മുസ്‍ലിയാർ ഉൽഘാടനം ചെയ്‌തു. സമസ്‌ത പ്രസിഡണ്ട് ഇ സുലൈമാന്‍ മുസ്‌ലിയാര്‍ അധ്യക്ഷത വഹിച്ചു. സയ്യിദ് അലി ബാഫഖി തങ്ങള്‍ പ്രാര്‍ഥന നടത്തി. വഖഫ് മന്ത്രി വി അബ്‌ദുര്‍റഹ്‌മാന്‍, പ്രതിപക്ഷ ഉപനേതാവ് പികെ കുഞ്ഞാലിക്കുട്ടി, ജോയ് ആലുക്കാസ് എന്നിവര്‍ അതിഥികളായി.
കേരള മുസ്‌ലിം ജമാഅത്ത് സംസ്‌ഥാന ജന. സെക്രട്ടറി സയ്യിദ് ഇബ്രാഹിം ഖലീല്‍ അല്‍ ബുഖാരി, പേരോട് അബ്‌ദുറഹ്‌മാന്‍ സഖാഫി, സി മുഹമ്മദ് ഫൈസി, സയ്യിദ് ത്വാഹാ തങ്ങള്‍ സഖാഫി, സുലൈമാന്‍ സഖാഫി മാളിയേക്കല്‍, ഡോ. മുഹമ്മദ് അബ്‌ദുല്‍ ഹകീം അസ്‌ഹരി, സയ്യിദ് ഫസല്‍ തങ്ങള്‍, റഹ്‌മത്തുല്ല സഖാഫി എളമരം, എന്‍എം സ്വാദിഖ് സഖാഫി, എം മുഹമ്മദ് സാദിഖ്, ഡോ. മുഹമ്മദ് ഫാറൂഖ് നഈമി, ഫിര്‍ദൗസ് സഖാഫി കടവത്തൂര്‍, സമീര്‍ എറിയാട് സംസാരിച്ചു.
ഇന്നലെ നടന്ന ജനാധിപത്യ ഇന്ത്യയുടെ വര്‍ത്തമാനം സെഷനില്‍ മാദ്ധ്യമ പ്രവര്‍ത്തകര്‍ വെങ്കിടേഷ് രാമകൃഷ്‌ണന്‍, രാജീവ് ശങ്കരന്‍ സംവദിച്ചു. മുന്‍ മന്ത്രി പ്രൊഫ. സി രവീന്ദ്രനാഥ് ‘സാമൂഹിക പ്രവര്‍ത്തനത്തിന്റെ രചനാത്‌മകത’ എന്ന വിഷയത്തില്‍ സംസാരിച്ചു. ‘സ്വതന്ത്രചിന്തയുടെ രാഷ്‌ട്രീയം’ എന്ന വിഷയത്തില്‍ കെസി സുബിന്‍, ശ്രീജിത്ത് ദിവാകരന്‍, ഡോ. അബൂബക്കര്‍ സംസാരിച്ചു.
ഗതാഗതവികസനത്തെക്കുറിച്ചുള്ള ചര്‍ച്ചയില്‍ സിപി ജോണ്‍, മുസ്‌തഫ പി എറയ്‌ക്കല്‍ പങ്കെടുത്തു. ‘വല്ലാത്ത കഥകളുടെ വെബിനിവേശം’ എന്ന സെഷനില്‍ ബാബു രാമചന്ദ്രന്‍, രാംമോഹന്‍ പാലിയത്ത് സംസാരിച്ചു. കേരളത്തിലെ തൊഴിലവസ്‌ഥകളെക്കുറിച്ച് മുന്‍മന്ത്രി എസി മൊയ്‌‌തീന്‍ സംസാരിച്ചു. ചരിത്ര സമ്മേളനം പി ബാലചന്ദ്രന്‍ എംഎല്‍എ ഉൽഘാടനം ചെയ്‌തു.
ചരിത്ര ഗവേഷകരായ ഡോ. ഹുസൈന്‍ രണ്ടത്താണി, ഡോ. അഭിലാഷ് മലയില്‍, ഡോ. വിനില്‍ പോള്‍, ഡോ. അബ്ബാസ് പനക്കല്‍, ഡോ. സകീര്‍ ഹുസൈന്‍, ഡോ. കെഎ നുഐമാന്‍ എന്നിവർ പ്രബന്ധങ്ങള്‍ അവതരിപ്പിച്ചു. ‘വായന നിര്‍മിക്കുന്ന മനുഷ്യന്‍’ എന്ന സാംസ്‌കാരിക സംവാദത്തില്‍ കെസി നാരായണന്‍, ഡോ. അബൂബക്കര്‍, ‘നിരക്ഷരരുടെ കേരളം’ എന്ന വിഷയത്തില്‍ സജയ് കെവി, മുഹമ്മദ് ശരീഫ് എന്നിവരും സംസാരിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
