ദുഷൻബെ: പതിനെട്ട് വയസിന് മുകളിൽ പ്രായമുള്ള എല്ലാ പൗരൻമാരും കോവിഡ് പ്രതിരോധ വാക്സിൻ സ്വീകരിക്കണമെന്ന് നിർബന്ധമാക്കിയ ലോകത്തിലെ ആദ്യ രാജ്യമായി താജിക്കിസ്ഥാൻ. ജനങ്ങൾക്ക് പ്രദേശിക ക്ളിനിക്കുകൾ വഴി സൗജന്യ വാക്സിൻ സർക്കാർ ലഭ്യമാക്കും.
രാജ്യത്തെ മുഴുവൻ ജനങ്ങളും നിർബന്ധമായും വാക്സിൻ സ്വീകരിക്കണമെന്ന് സർക്കാർ വ്യക്തമാക്കി. അതേസമയം രാജ്യത്തിന് പുറത്ത് നിന്ന് വരുന്നവർ കോവിഡ് പരിശോധനാ ഫലം കൈയിൽ കരുതിയിരിക്കണം. രാജ്യത്ത് എത്തുന്നവർ കോവിഡ് നെഗറ്റീവ് ആണെങ്കിൽ പോലും പത്ത് ദിവസത്തെ ക്വാറന്റെയ്ൻ നിർബന്ധമായും പൂർത്തിയാക്കണം.
രാജ്യത്ത് ഇതുവരെ 13,569 പേര്ക്കാണ് കോവിഡ് സ്ഥിരീകരിച്ചത്. 93.2 ലക്ഷമാണ് താജിക്കിസ്ഥാനിലെ ആകെ ജനസംഖ്യ. 92 പേർക്കാണ് ഇവിടെ കോവിഡ് മൂലം ജീവൻ നഷ്ടമായത്. ഇന്നലെ 46 പുതിയ കേസുകളും രണ്ട് മരണങ്ങളുമാണ് രാജ്യത്ത് റിപ്പോർട് ചെയ്തത്.
Most Read: വസതിയുടെ ഒരു ഭാഗം പൊളിച്ചുമാറ്റണം; അമിതാഭ് ബച്ചന് മുംബൈ കോര്പറേഷന്റെ നോട്ടീസ്
