അബുദാബി: ഔദ്യോഗിക സന്ദർശനത്തിനായി യുഎഇയിൽ എത്തിയ മുഖ്യമന്ത്രി പിണറായി വിജയന് ദുബായ് എക്സ്പോ വേദിയിൽ ഊഷ്മള വരവേൽപ്. യുഎഇ വൈസ് പ്രസിഡണ്ടും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം മുഖ്യമന്ത്രിയെ സ്വീകരിച്ചു.
ദുബായ് കിരീടാവകാശി ഷെയ്ഖ് ഹംദാൻ ബിൻ മുഹമ്മദ് റാഷിദ് അൽ മക്തൂം യുഎഇ ഉപ പ്രധാനമന്ത്രിയും ധനമന്ത്രിയും ദുബായ് ഉപ ഭരണാധികാരിയുമായ ഷെയ്ഖ് മക്തൂം ബിൻ മുഹമ്മദ് ബിൻ റാഷിദ് അൽ മക്തൂം, എമിറേറ്റ്സ് എയർലൈൻ ഗ്രൂപ്പ് ചെയർമാനും ദുബായ് സിവില് ഏവിയേഷന് പ്രസിഡണ്ടുമായ ഷെയ്ഖ് അഹമ്മദ് ബിന് സയ്യിദ് അല് മക്തൂം എന്നിവരും മുഖ്യമന്ത്രിയെ സ്വീകരിക്കാനെത്തിയിരുന്നു.
കേരള വ്യവസായ മന്ത്രി പി രാജീവ്, ഇന്ത്യന് അംബാസിഡര് സഞ്ജയ് സുധീര്, കോണ്സല് ജനറല് അമന് പുരി, ലുലു ഗ്രൂപ്പ് ചെയര്മാനും അബുദാബി ചേംബര് വൈസ് ചെയർമാനുമായ എംഎ യൂസഫ് അലി എന്നിവരും സന്നിഹിതരായിരുന്നു.
എക്സ്പോ 2020ലെ കേരള പവലിയന് ഫെബ്രുവരി നാലിന് വൈകുന്നേരം അഞ്ചു മണിക്ക് മുഖ്യമന്ത്രി ഉൽഘാടനം ചെയ്യും. കേരള പവലിയനില് ഫെബ്രുവരി നാല് മുതല് 10 വരെ നടക്കുന്ന കേരള വീക്കില് വ്യത്യസ്ത പദ്ധതികള്, നിക്ഷേപ മാര്ഗങ്ങള്, ടൂറിസം, ഐടി, സ്റ്റാര്ട്ടപ്, വൈദഗ്ധ്യം തുടങ്ങിയവ സംബന്ധിച്ച് അവതരണങ്ങളുണ്ടാകും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
