മലപ്പുറം: ജില്ലയിൽ നാലംഗ സംഘം തട്ടിക്കൊണ്ടു പോയെന്ന് സംശയിച്ച യുവാവ് തിരിച്ചെത്തി. മലപ്പുറം ജില്ലയിലെ കാളികാവ് ചോക്കാട് പുലത്തില് റഷീദ് (27) ആണ് തിരിച്ചെത്തിയത്. ബുധനാഴ്ച വൈകിട്ടോടെയാണ് സംഭവം ഉണ്ടായത്. മൂന്ന് ദിവസം മുൻപാണ് റഷീദ് വിദേശത്ത് നിന്നും നാട്ടിലെത്തിയത്.
കോഴിക്കോട് നിന്ന് ടാക്സിയില് മലപ്പുറത്തേക്ക് വരികയായിരുന്ന റഷീദിനെ കാറിടിപ്പിച്ച് അപകടമുണ്ടാക്കിയ ശേഷം തട്ടിക്കൊണ്ട് പോകുകയായിരുന്നു എന്നാണ് പരാതി. മഞ്ചേരി പട്ടര്കുളത്ത് വച്ചാണ് റഷീദ് സഞ്ചരിച്ചിരുന്ന കാറിന് നേരെ മറ്റൊരു കാര് ഇടിപ്പിച്ച് സംഘം അപകടമുണ്ടാക്കിയത്.
തൊട്ടുപിന്നാലെ റഷീദിന്റെ ബന്ധുക്കളുമുണ്ടായിരുന്നു. ഇവരെത്തിയതോടെ നാലംഗ സംഘം റഷീദിനെ കാറില് കയറ്റിക്കൊണ്ട് പോകുകയായിരുന്നു എന്ന് ടാക്സി ഡ്രൈവര് പോലീസിന് മൊഴി നല്കിയിരുന്നു. റഷീദിന് സ്വർണക്കടത്ത് സംഘവുമായി ബന്ധമുണ്ടോയെന്ന് പോലീസ് പരിശോധിച്ച് വരികയാണ്.
Most Read: 15കാരിയെ പീഡിപ്പിച്ച് ഗർഭിണിയാക്കി; യുവാവ് അറസ്റ്റിൽ
