കൊച്ചി: എറണാകുളം നെടുമ്പാശ്ശേരിയിൽ യുവാവിനെ കുത്തി കൊലപ്പെടുത്തിയ കേസിൽ മൂന്ന് പേർ അറസ്‌റ്റിൽ. നെടുമ്പാശ്ശേരി സ്വദേശി മനു മണി (24), ഇടപ്പള്ളി സ്വദേശികളായ അജയ് കെ സുനിൽ (19), വിപിൻ ആഷ്‌ലി (20) എന്നിവരാണ് അറസ്‌റ്റിലായത്. തമിഴ്‌നാട്ടിലെ തിരുന്നൽവേലിയിൽ നിന്നാണ് പ്രതികൾ പിടിയിലായത്.
കഴിഞ്ഞ ഞായറാഴ്‌ചയാണ്‌ നെടുമ്പാശ്ശേരി സ്വദേശി ജിസ്‌മോനെ കുത്തി കൊലപ്പെടുത്തിയത്. നെടുമ്പാശ്ശേരി കയ്യാലപ്പടിയിൽ വച്ചായിരുന്നു സംഭവം. ജിസ്‌മോനും പ്രദേശത്തെ കഞ്ചാവ് വിൽപ്പന സംഘവും തമ്മിൽ നേരത്തെ വാക്കേറ്റമുണ്ടായിരുന്നു. ഇതേ തുടർന്നാണ് കൊലപാതകമെന്നാണ് പോലീസിന്റെ നിഗമനം. ബൈക്കിലെത്തിയ മൂന്നംഗ സംഘം ജിസ്‌മോനെ വിളിച്ച് വരുത്തിയ ശേഷം കൊലപ്പെടുത്തുകയായിരുന്നു. ബഹളം കേട്ട് സമീപത്തുള്ളവർ ഓടി വരുന്നത് കണ്ട് പ്രതികൾ രക്ഷപ്പെട്ടു. സംഭവ സ്ഥലത്ത് നിന്നും ഇവർ വന്ന ബൈക്ക് പോലീസ് കസ്‌റ്റഡിയിൽ എടുത്തിരുന്നു.
വാഹന മോഷണം, കഞ്ചാവ് വിൽപ്പന തുടങ്ങി നിരവധി കേസുകളിലെ പ്രതിയാണ് കൊല്ലപ്പെട്ട ജിസ്‌മോൻ.
Also Read: സ്വപ്‌നയുടെ നിയമനം മുഖ്യമന്ത്രിയുടെ അറിവോടെ; എന്‍ഫോഴ്‌സ്‌മെന്റ്‌
