കണ്ണൂർ: ഗ്രൂപ്പ് തർക്കം കാരണം യുഡിഎഫിന്റെ പ്രചാരണം വൈകിയ ഇരിക്കൂറിൽ മണ്ഡലം കൺവെൻഷൻ കെസി ജോസഫ് ഇന്ന് ഉൽഘാടനം ചെയ്യും. സ്ഥാനാർഥി സജീവ് ജോസഫിനെതിരെ എ ഗ്രൂപ്പ് പ്രതിഷേധം അവസാനിപ്പിക്കാനുള്ള ചർച്ചകൾ ഉമ്മൻ ചാണ്ടിയുടെ നേതൃത്വത്തിൽ തുടരുന്നതിനിടെയാണ് കൺവെൻഷൻ.
ജില്ലയിൽ പ്രാധിനിധ്യമില്ലാത്ത എ ഗ്രൂപ്പിന് ഡിസിസി അധ്യക്ഷ പദവി നൽകണമെന്ന ഒത്തുതീർപ്പ് ഫോർമുലക്ക് സുധാകരൻ സമ്മതം മൂളിയിട്ടില്ലെന്നാണ് വിവരം. അന്തിമ തീരുമാനം വരാതെ പ്രചാരണത്തിന് ഇറങ്ങില്ലെന്ന് ഒരുവിഭാഗം നേതാക്കൾ ഇപ്പോഴും പറയുന്നുണ്ട്. സീറ്റ് കിട്ടാഞ്ഞതിൽ അതൃപ്തി പരസ്യമാക്കിയ സോണി സെബാസ്റ്റ്യൻ കൺവെൻഷന് എത്തിയേക്കില്ല.
Read Also: എറണാകുളത്ത് സ്പെഷ്യൽ പോസ്റ്റൽ ബാലറ്റുകളുടെ വിതരണം 26 മുതൽ
