തൃശൂർ: യുകെജി വിദ്യാർഥിയെ ക്രൂരമായി മർദ്ദിച്ച അധ്യാപിക ഒളിവിൽ. കുരിയച്ചിറ സെന്റ് ജോസഫ്‌സ് സ്‌കൂളിലെ അധ്യാപികയായ സെലിൻ ആണ് സംഭവത്തിന് പിന്നാലെ ഒളിവിൽപ്പോയത്. കുട്ടിയെ മർദ്ദിച്ച സംഭവത്തിൽ നെടുപുഴ പോലീസ് അധ്യാപികക്കെതിരെ കേസെടുത്തിട്ടുണ്ട്.
കഴിഞ്ഞ തിങ്കളാഴ്‌ചയാണ് സംഭവം. ക്ളാസ് മുറിയിലെ ബോർഡിൽ എഴുതിക്കൊടുത്തത് ഡയറിയിലേക്ക് പകർത്തിയെഴുതിയില്ലെന്ന കാരണത്താലാണ് അഞ്ചുവയസുകാരനെ അധ്യാപിക ക്രൂരമായി മർദ്ദിച്ചത്. ആദ്യം ചൂരൽ കൊണ്ട് അടിക്കുകയായിരുന്നു. കുട്ടി കരയാത്തതിനെ തുടർന്ന് വീണ്ടും മർദ്ദിച്ചെന്നും കുട്ടിയുടെ മാതാപിതാക്കൾ പറയുന്നു.
കുട്ടിയുടെ കാലിൽ അടിയേറ്റത് മൂലമുണ്ടായ നിരവധി മുറിവുകളുണ്ട്. എന്നാൽ, സംഭവത്തിൽ പോലീസ് കാര്യമായ ഇടപെടൽ നടത്തിയിട്ടില്ലെന്നാണ് പരാതി. മാത്രമല്ല, പരാതി പിൻവലിക്കാൻ മാതാപിതാക്കൾക്കുമേൽ സ്‌കൂൾ അധികൃതർ സമ്മർദ്ദം ചെലുത്തിയെന്നും ആരോപണമുണ്ട്. പരാതി പിൻവലിച്ചാൽ കുട്ടിക്ക് മൂന്ന് വർഷത്തെ സൗജന്യ വിദ്യാഭ്യാസവും 15,000 രൂപയും വാഗ്‌ദാനം ചെയ്‌തെന്നാണ് വിവരം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
