കീവ്: യുക്രൈനില് റഷ്യന് അധിനിവേശം 10ആം ദിവസം പിന്നിടുമ്പോൾ സമാധാന ചര്ച്ചക്കൊരുങ്ങി ഇരു രാജ്യങ്ങളും. യുക്രൈന് റഷ്യ മൂന്നാം വട്ട ചർച്ച നാളെ നടക്കുമെന്നാണ് റിപ്പോർട്ടുകൾ. ചർച്ചയ്ക്ക് യുക്രെെൻ സന്നദ്ധത അറിയിച്ചിരുന്നു. ചർച്ച തിങ്കളാഴ്ച നടക്കുമെന്ന് യുക്രെെൻ ചർച്ചാ സംഘത്തിലെ ഡേവിഡ് അരാഖാമിയയാണ് ട്വിറ്ററിലൂടെ അറിയിച്ചത്. സേനാ പിൻമാറ്റമടക്കമുള്ള വിഷയങ്ങളിലാണ് ചർച്ച നടക്കുക.
നേരത്തെ നടന്ന രണ്ടാം വട്ട ചർച്ചയിൽ യുക്രെെനില് കുടുങ്ങിക്കിടക്കുന്ന സാധാരണക്കാരെ ഒഴിപ്പിക്കാൻ ധാരണയായിരുന്നു. മൂന്നു മണിക്കൂർ നീണ്ട ചർച്ചക്കൊടുവിൽ മനുഷത്വ ഇടനാഴിയിൽ തീരുമാനമായെന്ന് യുക്രെെൻ പ്രതിനിധി അറിയിച്ചിരുന്നു. അതേസമയം രണ്ടാംവട്ട ചർച്ചയിലും തൃപ്തനല്ലെന്നും അദ്ദേഹം വ്യക്തമാക്കിയിരുന്നു.
Read Also: എൻജിനിയറിങ്, ഫാർമസി പ്രവേശന പരീക്ഷ; ജൂൺ 12ന്
