വാഷിങ്ടൻ: പ്രസിഡണ്ട് ഡൊണാൾഡ് ട്രംപിന്റെ കുടിയേറ്റ നിയന്ത്രണ പദ്ധതിയുടെ ഭാഗമായി 75 രാജ്യങ്ങളിൽ നിന്നുള്ള പൗരൻമാർക്ക് കുടിയേറ്റ വിസ നൽകുന്നത് യുഎസ് നിർത്തിവെക്കുന്നു. പാക്കിസ്ഥാൻ, റഷ്യ, ഇറാൻ തുടങ്ങി 75 രാജ്യങ്ങളിൽ നിന്നുള്ളവർക്കാണ് നിയന്ത്രണം. കുടിയേറ്റം തടയുന്നതിനായി ഈ പുതിയ നീക്കം ബുധനാഴ്ചയാണ് യുഎസ് സ്റ്റേറ്റ് ഡിപ്പാർട്ട്മെന്റ് പ്രഖ്യാപിച്ചത്.
രാജ്യത്തെത്തുന്ന പുതിയ കുടിയേറ്റക്കാർ അമേരിക്കൻ ജനതയ്ക്ക് ലഭിക്കേണ്ട സമ്പത്തും സൗകര്യങ്ങളും എടുക്കുന്നില്ലെന്ന് ഉറപ്പാക്കുംവരെ വിസ മരവിപ്പിക്കൽ തുടരുമെന്നാണ് ഡിപ്പാർട്ട്മെന്റ് അറിയിപ്പ്. വിസ നൽകൽ നിരോധിച്ച രാജ്യങ്ങളിൽ ഇന്ത്യയുടെ അയൽരാജ്യങ്ങളായ ബംഗ്ളാദേശ്, ഭൂട്ടാൻ, നേപ്പാൾ, മ്യാൻമാർ തുടങ്ങിയവയും ഉൾപ്പെടുന്നു.
ജനുവരി 21 മുതൽ പുതിയ വിലക്ക് പ്രാബല്യത്തിൽ വരും. അതേസമയം, ടൂറിസ്റ്റ്, ബിസിനസ് ആവശ്യങ്ങൾക്കുള്ള വിസയിൽ നിയന്ത്രണം ബാധകമല്ല. നിയന്ത്രണം ഏർപ്പെടുത്തിയ രാജ്യങ്ങളുടെ പട്ടിക യുഎസ് ഇതുവരെ പരസ്യമായി പുറത്തുവിട്ടിട്ടില്ല. എന്നാൽ നിയന്ത്രണം പ്രതീക്ഷിക്കുന്ന രാജ്യങ്ങളുടെ പേരുകൾ രാജ്യാന്തര മാദ്ധ്യമങ്ങൾ പുറത്തുവിട്ടിട്ടുണ്ട്.
Most Read| എന്റമ്മോ എന്തൊരു വലിപ്പം! 29.24 കോടി രൂപയ്ക്ക് ലേലത്തിൽ വിറ്റുപോയ മൽസ്യം
