വാഷിങ്ടൻ: യുഎസ് യാത്രാവിലക്ക് ഏർപ്പെടുത്തിയ 19 രാജ്യങ്ങളിൽ നിന്നുള്ളവരുടെ കുടിയേറ്റ അപേക്ഷകൾ നിർത്തിവെച്ചതായി റിപ്പോർട്. ഗ്രീൻ കാർഡുകളും പൗരത്വ അപേക്ഷകളും ഉൾപ്പടെ നിർത്തിവെച്ചതായാണ് റിപ്പോട്.
യുഎസ് ഭരണകൂടം നിലവിലെ സ്ഥിതി സൂക്ഷ്മ പരിശോധന നടത്തുന്നവരെ യുഎസ് സിറ്റിസൺഷിപ്പ് ആൻഡ് ഇമിഗ്രേഷൻ സർവീസസ് (യുഎസ്സിഐഎസ്) പൂർണമായി നിർത്തിവെച്ചതായാണ് വിവരം.
അഫ്ഗാനിസ്ഥാൻ, മ്യാൻമർ, ചാഡ്, കോംഗോ, ഗിനി, എറിത്രിയ, ഹെയ്തി, ഇറാൻ, ലിബിയ, സോമാലിയ, സുഡാൻ, യെമൻ, ബുറുൺഡി, ക്യൂബ, ലാവോസ്, സിയെറോ ലിയോൺ, ടോഗോ, തുർക്ക്മെനിസ്ഥാൻ, വെനസ്വേല എന്നിവിടങ്ങളിൽ നിന്നുള്ള അപേക്ഷകർക്കാണ് ഈ വിലക്ക് ബാധകം.
വാഷിങ്ടണിൽ രണ്ട് വെസ്റ്റ് വിർജീനിയൻ ഗാർഡുകളെ വെടിവച്ചതിന് പിന്നാലെ ആ രാജ്യങ്ങളിൽ നിന്നുള്ള കുടിയേറ്റങ്ങൾ താൽക്കാലികമായി നിർത്തുകയാണെന്ന് പ്രസിഡണ്ട് ട്രംപ് പ്രഖ്യാപിച്ചിരുന്നു. പിന്നാലെയാണ് ഈ നീക്കം. വടിവയ്പ്പിൽ ഒരാൾ മരിച്ചിരുന്നു. ഒരാൾ ഗുരുതരാവസ്ഥയിൽ തുടരുകയാണ്.
യുഎസ്സിഐഎസ് നിലവിൽ പൂർണമായി നിർത്തിവെച്ചതിന് പുറമെ, പരിശോധിച്ചുകൊണ്ടിരിക്കുന്ന അപേക്ഷകളിൽ തീരുമാനം എടുക്കുന്നതും നീളും. എല്ലാ വിദേശികളെയും പരമാവധി പരിശോധിക്കും. ലോകത്തെ ഏറ്റവും കർശനമായ സ്ക്രീനിങ് സംവിധാനങ്ങളിൽ ഒന്നാണ് യുഎസിന്റേത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
