ന്യൂഡെൽഹി: ആരോഗ്യമന്ത്രി വീണാ ജോർജ് ഡെൽഹിയിൽ. രാവിലെ പത്തുമണിക്ക് ഡെൽഹി രാജ്യാന്തര വിമാനത്താവളത്തിൽ എത്തിയ മന്ത്രി, അവിടെ നിന്നും കേരള ഹൗസിലേക്ക് തിരിച്ചു. ഇന്ന് ഉച്ചയ്ക്ക് കേന്ദ്ര ആരോഗ്യമന്ത്രി ജെപി നദ്ദയുമായി വീണാ ജോർജ് കൂടിക്കാഴ്ച നടത്തിയേക്കും. ഉച്ചയ്ക്ക് രണ്ടരയ്ക്കാണ് കൂടിക്കാഴ്ചയെന്നാണ് വിവരം.
കഴിഞ്ഞതവണ ക്യൂബൻ സംഘത്തെ കാണാൻ ഡെൽഹിയിലെത്തിയ വീണാ ജോർജ്, ജെപി നദ്ദയുമായി കൂടിക്കാഴ്ചയ്ക്ക് സമരം തേടിയിരുന്നെങ്കിലും പാർലമെന്റ് നടക്കുന്ന സമയമായതിനാൽ അനുമതി ലഭിച്ചിരുന്നില്ല. തുടർന്ന് രണ്ട് നിവേദനങ്ങൾ ആരോഗ്യമന്ത്രി കേന്ദ്രമന്ത്രിയുടെ ഓഫീസിലേക്ക് നൽകിയിരുന്നു.
ആശമാരുടെ ഇൻസെന്റീവ് വർധിപ്പിക്കണം, 2023-24 സാമ്പത്തിക വർഷത്തിൽ തടഞ്ഞുവെച്ച 637 കോടി രൂപ എത്രയും വേഗം നൽകണം, എയിംസ് അനുവദിക്കണം, കാസർഗോഡും വയനാടും മെഡിക്കൽ കോളേജിന് സഹായം നൽകണം തുടങ്ങിയവ ആയിരുന്നു നിവേദനങ്ങളിലെ ആവശ്യങ്ങൾ. ഈ കാര്യങ്ങൾ ഇന്നത്തെ ചർച്ചയിലും ആരോഗ്യമന്ത്രി മുന്നോട്ടുവെക്കും.
Most Read| ആഹാ ഇത് കൊള്ളാലോ, വിൽപ്പനക്കെത്തിച്ച കോഴിയെ കണ്ട് കണ്ണുതള്ളി കടയുടമ!
